1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

جرمن سوداگر کی کینیڈا سے جرمن جیل منتقلی

جرمن حکام، دس سال کی مسلسل کوششوں کے بَعد جرمن شہری Schreiber کو کينيڈا سے جرمنی واپس لا نے ميں کامياب ہوگئے ہيں۔ شرائبر پر خطير رقوم کو سياستدانوں اور صنعتکاروں تک منتقل کرنے اور ٹيکس ميں غبن جیسے الزامات ہیں۔

default

شرائبر، کینیڈین حکام کی تحویل میں

کينيڈا سے واپس لائے جانے کے بعد کارل ہائنس شرائبر کو ہوائی اڈے سے سيدھا شہر آگسبرگ کی جيل لے جايا جا رہا ہے، جہاں ايک نو مربع ميٹر جيل کوٹھڑی ان کی منتظر ہے۔ آگسبرگ کی صوبائی عدالت کے ترجمان ہوئز لر نے کہا کہ اس کے بعد ان کا وارنٹ گرفتاری کھولا جائے گا، جو پرانی تاريخ کا ہے۔

آگسبرگ کی صوبائی عدالت کو اس لمحے کے لئے دس سال انتظار کرنا پڑا ہے۔ شرائبر، اسلحے کی فروخت کے سودوں ميں اسلحہ ساز فرموں سے ناجائز رقوم حاصل کرنے کے علاوہ موجودہ حکمران اتحاد ميں شامل بڑی جماعت سی۔ڈی۔يو کے پارٹی عطيات کے ایک سکينڈل کا مرکزی کردار بھی سمجھے جاتے ہيں۔ وکيل استغاثہ نے ان پر جو الزامات لگائے ہيں، ان ميں کئی ملين کی رشوت، ٹيکس ميں بڑے پيمانے پر غبن اور جرائم ميں مدد دينا شامل ہے۔

Karlheinz Schreiber

شرائبر کی دو اگست کو کینیڈا میں کھینچی گئی تصویر

صوبائی عدالت کے ترجمان ہوئزلر نے کہا کہ وہ ابھی الزامات کی پوری تفصيل نہيں بتا سکتا ليکن يہ سلسلہ معمول کے مطابق ہی آگے بڑھے گا۔ اس کا انحصار اس پر ہوگا کہ شرائبر اگر کچھ کہيں گے تو کيا کہيں گے۔ تب عدالت اس کی مکمل چھان بين کرے گی۔

Karlheinz Schreiber

گزشتہ ماہ کے آخر میں عدالتی کارزوائی کے دوران کینیڈا میں شرائبر

اگر ڈاکٹروں نے پچھتر سالہ شرائبر کی صحت کو اس قابل قرار ديا کہ انہيں قيد ميں رکھا جائے تو وہ تفتيشی حراست ميں رہيں گے۔ وہ اپنے سخت جان ہونے کا ثبوت، کينيڈا ميں جرمنی واپس بھيجے جانے کے خلاف دس سالہ مزاحمت کے دوران دے چکے ہيں۔ايئر کينيڈا کا طيارہ گزشتہ صبح انہيں لے کر ميونخ ايئر پورٹ پر اترا تھا۔ پوليس نے وہیں انہيں اپنی تحويل ميں لے ليا۔ اس کے کچھ ہی دير بعد ،پانچ موٹرکاروں پر مشتمل ايک قافلہ شہر آگسبرگ کی جانب روانہ ہوگيا۔

آگسبرگ کی صوبائی عدالت کے ترجمان ہوئزلر کے مطابق کينيڈا سے شرائبر کی وصولی ميں جرمن تحقيقاتی حکام کی ان تھک کوشش کا بھی دخل ہے۔ اُن کا کہنا ہے کہ وکيل استغاثہ نے اس سلسلے ميں طويل اور سخت کوشش کی ہے۔ اس کوشش کا اعتراف کيا جانا چاہئے۔ يہ اميد تقريباً ختم ہوچکی تھی کہ شرائبر يہاں عدالت کا منہ ديکھ سکيں گے۔

کارل ہائنس شرائبر نے، سابق چانسلر کوہل کے دور ميں، غير قانونی پارٹی چندوں اور خفيہ اکاؤنٹس کے اسکينڈل کے ذريعے جرمن سیاسی جماعت کرسچن ڈيموکريٹک يونين کو ہلا کر رکھ ديا تھا۔ وہ اپنے اوپر مقدمہ قائم ہونے سے پہلے ہی سوئٹزرلينڈ اور وہاں سے ايک دوسرے پاسپورٹ پر کينيڈا فرار ہوگئے تھے۔ ان کے بارے ميں کہا جاتا تھا کہ ان کے،خفيہ اداروں کے ساتھ اچھے تعلقات تھے۔