1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

جرمن سفیر کا پاکستان کے مختلف علاقوں کا دورہ

اسلام آباد میں تعینات جرمن سفیر مارٹن کوبلر نے خیبرپختونخواہ میں افغان مہاجرین کے ایک مرکز کا دورہ کیا۔ کوبلر اپنے دوروں کی تصاویر کو اپنے ٹوئٹر اکاؤنٹ پر شئیر کر رہے ہیں۔

اسلام آباد میں جرمن سفارت خانے کے فیس بک پر شائع ہونے والی تصاویر میں دیکھا جاسکتا ہے کہ جرمن سفیر خیبر پختونخواہ کے علاقے اضاخیل میں اقوام متحدہ کے ادارہء برائے مہاجرین کے اس مرکز میں افغان بچوں کے ساتھ گھل مل رہے ہیں۔

جرمن سفیر کا راولپنڈی سے گجرانوالہ تک ٹرین میں سفر

اقوام متحدہ کے ادارہء برائے مہاجرین کی ویب سائٹ کے مطابق پاکستان میں لگ بھگ 1.45 ملین مہاجرین رہائش پذیر ہیں جن میں سے زیادہ تر افغان ہیں۔ اسلام آباد میں جرمن سفارت خانے کے فیس بک پر تصاویر کے ساتھ جاری بیان میں لکھا گیا ہے،’’  ہم افغان پناہ گزینوں کی وطن واپسی کی حمایت کرتے ہیں۔ یہ مرکز پاکستانی اور افغان حکام کے ساتھ تعاون کی بہترین مثال ہے۔‘‘

مارٹن کوبلر پاکستانی میڈیا پر کافی زیادہ نظر آرہے ہیں۔ حال ہی میں جرمن سفیر نے پشاور بازار کا دورہ کیا اور راولپنڈی سے گجرانوالہ تک ٹرین پر سفر کیا تھا۔

مارٹن کوبلر نے پشاور میں بار بی کیو کھاتے ہوئے اپنی تصاویر کو ٹوئٹر اکاؤنٹ پر شیئر بھی کیا۔

DW.COM