1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمنی یورو کپ کے لیے کوالیفائی کرنے کے قریب تر

منگل کے روز جرمن فٹ بال ٹیم نے آذربائیجان کو تین ایک سے شکست دے دی۔ اس طرح جرمنی یورو کپ دو ہزار بارہ کے لیے کوالیفائی کرنے کے قریب تر ہو گیا ہے۔

default

جرمن ٹیم کے کوچ یوآخم لؤو

جرمنی کی قومی فٹ بال ٹیم یورو کپ چیمپئن شپ کے لیے کوالیفائی کرنے سے اب چند قدم ہی دور ہے۔ منگل کے روز باکو میں کھیلے گئے ایک میچ میں جرمنی نے آذربائیجان کی ٹیم کو تین ایک سے ہرا دیا۔ اس جیت کے بعد گروپ اے میں جرمنی کی ٹیم نے سات میچ کھیل کر اکیس پوائنٹس حاصل کر لیے ہیں۔ جرمنی کے بعد اس گروپ میں دوسرے نمبر پر بیلجیم کی ٹیم ہے جس کے گیارہ پوائنٹس ہیں۔

آذربائیجان کے خلاف میچ میں جرمنی کی ٹیم کی طرف سے اوزل، گومیس اور شوئرلے نے ایک ایک گول کیا۔ آذربائیجان کی طرف سے میچ ختم ہونے سے ایک منٹ پہلے مراد حسینوف نے گول کیا۔

Fußball Nationalmannschaft Löw Training Flash-Galerie

جرمن ٹیم کے گروپ اے میں اکیس پوائنٹس ہیں

جمعہ کو کھیلے گئے میچ میں جرمنی کی ٹیم نے آسٹریا کو ایک سخت مقابلے کے بعد دو ایک سے ہرایا تھا۔

جرمنی کی ٹیم میں زیادہ تر نوجوان کھلاڑی تھے اور صرف کپتان فلپ لاہم ہی تھے جن کی عمر ستائیس برس تھی۔ اس حوالے سے لاہم کا کہنا تھا کہ یہ ثابت کرتا ہے کہ جرمن فٹ بال میں کتنی صلاحیت موجود ہے۔

آذربائیجان کے خلاف میچ کے بارے میں جرمن ٹیم کے کپتان کا کہنا تھا کہ ان کی ٹیم میچ میں بہت اچھا کھیل پیش نہیں کر پائی تاہم اہم بات یہ ہے کہ کھیلے گئے ساتوں میچوں میں جرمنی کی ٹیم فتحیاب ہوئی۔ ان کا کہنا تھا کہ ان کو یقین ہے کہ جرمنی یوروکپ کے فائنل مقابلوں کے لیے کوالیفائی کر لے گا۔

رپورٹ: شامل شمس⁄ خبر رساں ادارے

ادارت: مقبول ملک

DW.COM