1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جرمنی میں چھ نوجوانوں کی لاشیں برآمد

جنوبی جرمن صوبے باویرا کے علاقے آرنشٹائن میں ایک باغیچے سے چھ ٹین ایجرز کی لاشیں ملی ہیں۔ فی الحال یہ بات سامنے نہیں آئی ہےکہ وہ کس طرح ہلاک ہوئے۔

جرمن خبر رساں ادارے ڈی پی اے کے مطابق اپنے بچوں کو ڈھونڈنے والے ایک والد کو ایک باغیچے سے چھ ٹین ایجرز کی لاشیں ملیں، جن میں سے کم از کم ایک اس کے اپنے لڑکے کی لاش بھی تھی۔ بتایا گیا ہے کہ اس شخص نے پولیس کو فون کر کے ان لاشوں سے متعلق اطلاعات فراہم کیں۔

پبلک پراسیکیوٹر کے مطابق ہلاک ہونے والوں میں لڑکے اور لڑکیاں شامل ہیں، جن کی عمریں 18 تا 19 برس ہیں۔ فی الحال یہ معلوم نہیں ہوا ہے کہ یہ ہلاکتیں کس صورت حال میں پیش آئیں، تاہم ابتدائی اطلاعات کے مطابق یہ بچے ممکنہ طور  کسی مواد کی  اوورڈوزنگ کی وجہ سے ہلاک ہوئے۔

اس والد نے پولیس کو بتایا کہ یہ تمام بچے ایک رات قبل ایک پارٹی میں شریک ہوئے تھے، مگر جب وہ صبح تک نہ لوٹے، تو اس نے ان کی تلاش شروع کر دی۔