1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جرمنی میں صدر کی تلاش، اُرسُلا فان ڈیئر لایَن فیورٹ

جرمنی میں صدر کے عہدے کے لئے اُرسُلا فان ڈیئر لایَن کا نام فیورٹ قرار دیاجا رہا ہے تاہم اس خاتون سیاستدان کےعلاوہ دیگرکئی ناموں پربھی بحث جاری ہے۔جرمن مخلوط حکومت نے نئے صدر کے لئے تیس جون تک کسی ایک نام پر متفق ہونا ہے۔

default

اُرسُلا فان ڈیئر لایَن جرمن چاسلر کا پہلا انتخاب ہو سکتی ہیں

ہورسٹ کوہلر کے مستعفی ہونے کے بعد جرمن چانسلر انگیلا میرکل کی مخلوط حکومت صدر کے لئے کسی ایک امیدوار پرمتفق ہونے کی کوششوں میں جتے ہوئے ہیں۔ اس سلسلے میں دارالحکومت برلن میں ملاقاتوں کا سلسلہ جاری ہے۔

Merkel Westerwelle Seehofer Köhler Rücktritt NO FLASH

جرمن چانسلر انگیلا میرکل اتحادیوں کے ساتھ مشاورت جاری رکھے ہوئے ہیں

جرمن ذرائع ابلاغ کے مطابق وزیر محنت اُرسُلا فان ڈیئر لایَن اس حوالے سے انگیلا میرکل کا پہلا انتخاب ہوسکتی ہیں۔ اطلاعات کے مطابق حکمران اتحاد کےمابین اس بات پراتفاق رائے بھی پایا جاتا ہے۔

جرمن چانسلرانگیلا میرکل کہہ چکی ہیں کہ کسی بھی نئے نام کو حکمران سیاسی اتحاد کی بھرپور حمایت حاصل ہونی چاہئےاورایسی شخصیت کو نامزد کیا جائے، جس پر اپوزیشن کو بھی کوئی اعتراض نہ ہو۔

Sigmar Gabriel SPD Präsidiumssitzung

اپوزیشن رہنما زیگمار گبریئل

اطلاعات کے مطابق جرمن پارلیمان کے صدرنوبرٹ لامیرٹ، موجودہ وزیرخزانہ وولفگانگ شوئبلےاورسابقہ وزیرماحولیات کلاؤس ٹاپفر بھی صدارت کےعہدے کے لئے نامزد کئے جا سکتے ہیں۔

سات بچوں کی ماں باون سالہ اُرسُلا فان ڈیئر لایَن ، سن 2005ء سے میرکل کی کابینہ کا ایک اہم حصہ سمجھی جاتی ہیں۔ انہیں عملی طورپرقدامت پسند سمجھا جاتا ہے اورخیال کیا جا رہا ہے کہ باویریا میں میرکل کی ہم خیال سیاسی جماعت سی ایس یو بطور صدر اُرسُلا فان ڈیئر لایَن کی حمایت کرے گی، تاہم ایک اوراتحادی فری ڈیموکریٹک پارٹی نے ابھی تک کسی نام پر اپنی رضا ظاہر نہیں کی ہے۔

تیس جون جرمن صدر کے حتمی چناؤ کے لئے فیڈرل کنوینشن کا اجلاس منعقد کیا جائے گا۔ چونکہ پارلیمان میں جرمن چانسلر کے اتحاد کو اکثریت حاصل ہے اس لئے یہ اتحاد جسے بھی صدر کےعہدے کے لئے نامزد کرسکتا ہے، اپوزیشن اس پر اعتراض نہیں کرے گی۔

اپوزیشن سیاسی جماعت سوشل ڈیموکریٹک پارٹی کے سربراہ زیگمارگابریئل نے کہا ہے کہ چانسلر میرکل کو چاہئے کہ وہ نئے صدر کے انتخاب کے لئے تمام ممبران پارلیمان کے علاوہ صوبائی حکومتوں سے بھی مشاورت کریں تاکہ سب مل کر اس مرحلے کو احسن طریقے سے سر انجام دے سکیں۔

رپورٹ : عاطف بلوچ

ادارت : عاطف توقیر

DW.COM