1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

مہاجرین کا بحران

جرمنی: مہاجر کیمپ میں آتشزدگی، تیس افراد زخمی

شمال مغربی جرمنی کے علاقے پاڈربورن کے ایک گاؤں میں قائم مہاجر مرکز میں آتشزدگی سے کم ازکم تیس رہائشی زخمی ہو گئے ہیں۔ زخمیوں میں سے ایک کی حالت تشویشناک بتائی جاتی ہے۔

Deutschland Paderborn Brand in Flüchtlingsunterkunft Staumühle (picture-alliance/dpa/R. Hilker)

معلومات کے مطابق آتشزدگی کے واقت اِس عمارت میں 500 کے قریب تارکینِ وطن رہائش پذیر تھے

پاڈربورن کی  ایک خاتون ترجمان نے بتایا ہے کہ ڈسٹڑکٹ کے ایک گاؤں میں پناہ گزینوں کے لیے بنائے گئے ایک مرکز میں آتشزدگی کا واقعہ پیش آیا ہے۔ ترجمان کا کہنا ہے کہ آگ سے متاثرہ افراد کو امدادی کارکن فوری طور پر اسپتال لے گئے تھے جبکہ مزید چوبیس کا علاج جن میں دو فائر فائٹرز بھی شامل ہیں، وقوعہ پر ہی کر دیا گیا۔

 اِن میں زیادہ تر کو معمولی زخم آئے تھے۔ بعض کو کمر میں چوٹیں بھی آئیں۔ پاڈربورن ڈسٹرکٹ کی پولیس کے ایک ترجمان کا کہنا ہے کہ یہ آگ ’ہوئے فل ہوف اشٹاموہلے‘ نامی گاؤں میں سابقہ فوجی بیرکوں میں بنے ایک مہاجر مرکز میں گذشتہ دوپہر کے وقت پھوٹ پڑی تھی۔

 پولیس کے مطابق آتشزدگی کی وجہ ابھی تک معلوم نہیں ہو سکی۔ پولیس کے ترجمان کا یہ بھی کہنا تھا کہ عمارت مکمل طور پر جل چکی ہے اور اِس حوالے سے تحقیقات کی جا رہی ہیں۔ پاڈربورن ڈسٹرکٹ کی جانب سے ملنے والی معلومات کے مطابق آتشزدگی کے وقت اِس عمارت میں 500 کے قریب تارکینِ وطن رہائش پذیر تھے۔

DW.COM