1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جرمنی اور چین کے درمیان 15 بلین ڈالرز کے معاہدوں پر دستخط

جرمنی اور چین کے درمیان برلن میں آج پہلی کیبنٹ میٹنگ ہوئی۔ اس موقع پر دونوں ملکوں کے درمیان 15 بلین امریکی ڈالرز مالیت کے تجارتی سمجھوتوں پر دستخط کیے گئے ہیں۔

default

چینی اور جرمن سربراہوں کے درمیان برلن میں ہونے والی اپنی نوعیت کی اس پہلی ملاقات کے بعد جس میں 13 چینی وزراء اور 10 جرمن وزراء بھی شریک تھے، ایک پریس کانفرنس میں تجارتی معاہدوں پر دستخط کیے گئے۔ ان معاہدوں میں یورپین جہاز ساز ادارے ایئربس سے A320 ماڈل کے 62 طیارے خریدنے کا معاہدہ بھی شامل ہے۔ ان طیاروں کی مالیت 10 بلین ڈالرز بنتی ہے جو سات بلین یورو کے برابر رقم ہے۔

چینی وزیراعظم وین جیاباؤ نے جرمن چانسلر انگیلا میرکل کے ساتھ مشترکہ پریس کانفرنس سے خطاب کرتے ہوئے کہا :’’ آج جن معاہدوں پر دستخط کیے گئے، ان کی مالیت 15 بلین ڈالرز ہے۔‘‘

وین جیاباؤ نے جرمن چانسلر کے ساتھ پریس کانفرنس سے خطاب کرتے ہوئے کہا :’’ آج جن معاہدوں پر دستخط کیے گئے، ان کی مالیت 15 بلین ڈالرز ہے‘‘

وین جیاباؤ نے جرمن چانسلر کے ساتھ پریس کانفرنس سے خطاب کرتے ہوئے کہا :’’ آج جن معاہدوں پر دستخط کیے گئے، ان کی مالیت 15 بلین ڈالرز ہے‘‘

چین اور برلن کے سربراہان حکومت کے درمیان کابینہ میٹنگ کے بعد 14 معاہدوں پر دستخط کیے گئے۔ ایئربس سے طیارے خریدنے کے معاہدے کے علاوہ جن دیگر اہم معاہدوں پر دستخط ہوئے، ان میں سے ایک جرمن کار ساز ادارے فوکس واگن اور اس کے چینی پارٹنر FAW کے درمیان فوشان میں فیکٹری لگانے کا منصوبہ بھی شامل ہے۔ فاکس واگن نے اس کے علاوہ شنگھائی آٹو انڈسٹری کارپوریشن کے ساتھ بھی ایک معاہدہ کیا ہے۔

جرمن کارساز ادارے ڈائملر نے بیجنگ بینز آٹوموٹیو کمپنی کے ساتھ ایک معاہدہ کیا ہے جس کے تحت کار سازی سے متعلق نئی مصنوعات اور انجن کی تیاری سمیت اس صنعت میں مشترکہ تحقیق کے منصوبے شامل ہیں۔

دنیا کی دوسری اور چوتھی سب سے بڑی معیشتوں یعنی چین اور جرمنی کے درمیان سال 2010ء کے درمیان 130 بلین یورو کی تجارت ہوئی۔ دونوں ممالک نے ان تجارتی تعلقات کو مزید مستحکم کرنے کے لیے بھی مختلف معاہدوں پر دستخط کیے۔

رپورٹ: افسر اعوان

ادارت: مقبول ملک

DW.COM

ویب لنکس