1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمنی اور چین کا دوستانہ فٹ بال میچ 29 مئی کو

شنگھائی میں جرمن فٹ بال ٹیم کو دیے جانے والے استقبالیے میں سابق کپتان اولیور کھان اور تلوار بازی کی ماہر بریٹا ہائیڈے من شرکت کریں گی۔

default

تلواربازی میں جرمنی کی جانب سے اولمپک مقابلوںمیں سونے کا تمغہ حاصل کرنے والی بریٹا ہائیڈے من اور قومی فٹ بال ٹیم کے سابق کپتان اولیورکھان اپنے ایشیا کے دورے کے دوران چین میں جرمن فٹ بال ٹیم کے لئے دیے جانے والے ایک استقبالیہ میں شرکت کریں گے۔ جرمن کی فٹ بال ایسوسی ایشن کے مطابق ان دونوں کھلاڑیوں کی موجودگی سے چین میں جرمن فٹ بال کی مقبولیت میں مزید اضافہ ہو گا۔

Olympia Peking 2008 Degen Fechten Britta Heidemann

تلوار بازی کی ماہر بریٹا ہائی ڈے من

جرمنی کی قومی فٹ بال ٹیم 29 مئی کو شنگھائی میں چین کے ساتھ ایک دوستانہ میچ کھیلے گی۔ اس سے قبل 28 مئی کو قومی فٹ بال ایسوسی ایشن اور جرمن فٹ بال لیگ نے مشترکہ طور پرایک استقبالیہ کا اہتمام کیا ہے جس میں اسپورٹس کی دنیا کے نمائندوں، ماہرین اقتصادیات اور سیاست دانوں کو دعوت دی گئی ہے۔

Oliver Kahn als Schriftsteller

جرمن فٹ بال ٹیم کے سابق کپتان اولیور کھان

جرمن قومی فٹ بال ٹیم کے منیجراولیوربیئرہوف نے کہا ہے کہ کھان اورہائڈے مان چین میں کافی مقبول ہیں اوریہی وجہ ہے کہ ہم اس بات پربہت خوش ہیں کہ وہ اس استقبالیے میں شرکت کررہے ہیں۔ جرمن فٹ بال ٹیم 29 مئی کو چین کے خلاف جبکہ دوجون کو متحدہ عرب امارت کے خلاف میچ کھیلے گی۔ تین جون کوایشیا کا دورہ ختم کرنے کے بعد جرمن ٹیم کے منیجراولیور بیئرہاف اور کوچ یوآخم لوو انڈر21 یورپین چیمپئن شپ کے ابتدائی راؤنڈ میں جرمن ٹیم کی کارکردگی جانچنے کے لئے سویڈن جائیں گے۔