1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

صحت

جاپان میں برڈ فلو کے خلاف فوجی دستے بھی میدان میں

جاپانی میڈیا کی رپورٹوں کے مطابق ملکی وزارت دفاع نے پیر کو بہت سے مسلح فوجی دستے اس لیے جنوبی جزیرے کائی یوشو بھیج دیے کہ وہاں برڈ فلو کی روک تھام کی کوششوں میں مقامی حکام کی مدد کی جا سکے۔

default

کائی یوشو میں لاکھوں مرغیوں کی تلفی لازمی ہو گئی

ایک سو ستر فوجیوں پر مشتمل یہ مسلح دستے جنوبی جاپان کے انتظامی علاقے میاذاکی کی انتظامیہ کی درخواست پر وہاں بھیجے گئے ہیں۔ یہ فوجی وہاں چار لاکھ سے زائد مرغیوں اور دیگر پرندوں کو تلف کرنے میں مقامی اہلکاروں کی مدد کرنے کے علاوہ دیگر حفاظتی اقدامات میں بھی ہاتھ بٹائیں گے۔

Vogelgrippe Impfung in China

ایک کبوتر کو برڈ فلو سے بچاؤ کا ٹیکہ لگایا جا رہا ہے

ٹوکیو میں جاپانی وزارت زراعت کے پارلیمانی سیکریٹری کینکو ماتسوکی نے صحافیوں کو بتایا کہ اس وقت کائی یوشو جزیرے پر سب سے اہم کام یہ ہے کہ فوری طور پر وہاں ان لاکھوں مرغیوں کی مکمل تلفی کو یقینی بنایا جائے، جو برڈ فلو کے وائرس کے تیز رفتار پھیلاؤ کی وجہ بن رہی ہیں۔

اس علاقے میں حکام کو ایک پولٹری فارم پر ہفتہ کے روز برڈ فلو کے وائرس کی موجودگی کا علم ہوا تھا اور چھ جانوروں میں اس وائرس کی موجودگی ثابت بھی ہو گئی تھی۔ پھر اتوار کے روز اسی علاقے میں ایک اور فارم پر موجود کئی مرغیوں کے اسی وبائی وائرس سے متاثر ہونے کی بھی تصدیق ہو گئی تھی۔

Vogelgrippe auch für Katzen gefährlich

برڈ فلو کا وائرس بلیوں کے لیے بھی مہلک ثابت ہو سکتا ہے

کینکو ماتسوکی نے کہا کہ جاپان کے جنوبی جزیرے کائی یوشو پر کام کرنے والے یہ دونوں فارم ابھی حال ہی میں قائم کیے گئے تھے۔ انہوں نے کہا کہ انہیں اس بات پر ناامیدی ہوئی ہے کہ جملہ حفاظتی اقدامات کے باوجود اس جزیرے پر ایسے فارموں میں بھی برڈ فلو کے وائرس کی موجودگی اب ایک مسلمہ حقیقت ہے۔

کائی یوشو جزیرے پر اب تک قریب 41 ہزار جانور تلف کیے جا چکے ہیں۔ جاپان میں میاذاکی کا انتظامی علاقہ 2007 ء میں اور پھر گزشتہ برس نومبر میں بھی برڈ فلو کے وائرس سے متاثر ہوا تھا۔ گزشتہ برس وہاں جانوروں کی منہ کھر کی بیماری بھی پھیل گئی تھی، جس کے بعد تقریباﹰ تین لاکھ مویشی تلف کرنا پڑ گئے تھے۔

رپورٹ: عصمت جبیں

ادارت: عاطف بلوچ

DW.COM

ویب لنکس