1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جاپان اور چین امدادی منصوبوں کا حجم بڑھانے پر تیار

جاپان اور چین نے مالیاتی بحران پر قابو پانے کے لئے حکومتی امدادی منصوبوں کا حجم بڑھانے پر رضامندی ظاہر کر دی ہے۔ یوں یہ دونوں ملک اس مقصد کے لئے مجموعی ملکی پیداوار کا دو فیصد صرف کرنے پر امریکہ سے متفق ہیں۔

default

تاہم یورپی ملک اس امریکی حکمت عملی کی مخالفت کر رہے ہیں ۔ جمعرات کو فرانس اور جرمنی نے کہا تھا کہ اقتصادی بحران سے نکلنے کے لئے مالیاتی مارکیٹوں کے لئے ضوابط کو مزید سخت بنانا ہوگا۔ عالمی مالیاتی بحران پر غور کے لئے جی ٹوئنٹی گروپ کے ممالک کا اجلاس آئندہ ماہ لندن میں ہو رہا ہے۔

Deutschland Finanzkrise Börse in Frankfurt Börsenmakler und Kurve

دوسری جانب جرمن اقتصادی ماہرین نے سال رواں کے لئے جرمن معیشت کی کارکردگی سے متعلق اپنے اب تک کے اندازوں پر نظر ثانی شروع کردی ہے۔ ہیمبرگ میں عالمی معیشت سے متعلق تحقیقی ادارے کے مطابق اس سال جرمنی کی برآمدات میں مسلسل کمی کی وجہ سے مجموعی قومی پیداوار کے حجم میں 3.8 فیصد تک کی کمی دیکھنے میں آئے گی۔

گذشتہ دسمبر میں جرمن معیشت کی سال 2009 کے دوران کارکردگی میں 2.7 فیصد کی کمی کی پیش گوئی کرنے والے شمالی شہر Kiel کےادارہ برائے عالمی معیشت نے بھی اب جرمن معیشت کے حجم میں 3.7 فیصد کی کمی کی پیش گوئی کردی ہے۔