1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جاسوسی کا شبہ ، شمالی وزیرستان میں دو مزید افراد قتل

پاکستان میں طالبان باغیوں نے دو افراد کو امریکہ کے لئے جاسوسی کرنے کے شبے میں ہلاک کر دیا ہے۔ پاکستانی سیکیورٹی حکام نے تصدیق کی ہے کہ جمعرات کے دن ان افراد کو بھرے مجمع میں دھماکہ خیز مواد کے ساتھ باندھ کر اڑا دیا گیا۔

default

اطلاعات کے مطابق یہ واقعہ جمعرات کی شب شمالی وزیرستان میں پیش آیا۔ درجنوں افراد کی موجودگی میں دتہ خیل کےعلاقے میں پانچ نقاب پوش طالبان باغیوں نے اپنے زیر قبضہ ان افراد پر امریکہ کے لئے جاسوسی کرنے کا الزام عائد کیا اور کہا کہ یہ افراد امریکہ کو وہ معلومات فراہم کرتے ہیں، جن کی بنیاد پر قبائلی علاقوں میں ڈورن حملے کئے جاتے ہیں۔

Afghanistan Nord-Allianz greift an

قبائلی علاقوں میں جاسوسی کے شبے میں قتل کرنے کی وارداتیں عام ہو تی جا رہی ہیں

پاکستانی خفیہ اداروں میں سے ایک کے ایک اہلکار نے خبر ایجنسی روئٹرز کو ٹیلی فون کر کے بتایا کہ ان افراد کو سزا دینے کے لئے بھرے مجمع میں بارودی مواد سے باندھا گیا اور پھر انہیں دھماکے سے اڑا دیا گیا۔

خیال رہے کہ گزشتہ کچھ مہنیوں کے دوران پاکستانی طالبان باغیوں نے ایسے درجنوں افراد کو جاسوسی کے شبے میں ہلاک کیا ہے، تاہم ایسا پہلی بار ہوا ہے کہ ایسے مبینہ مقامی جاسوسوں کو گولیاں مار کر ہلاک کرنے کے بجائے اس طرح ان کے جسموں سے بارودی مواد باندھ کر انہیں بھرے بازار میں دھماکے سے اڑا دیا گیا ہو۔

رپورٹ: عاطف بلوچ

ادارت: مقبول ملک

DW.COM