1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جادوئی مرلی نے وسیم اکرم کاریکارڈ توڑ دیا

سری لنکا کے جادوئی آف اسپنر مُتھیا مرلی دھرن نے ٹیسٹ میچوں کے بعد اب ایک روزہ بین الاقوامی میچوں میں بھی سب سے زیادہ وکٹیں حاصل کرنے کا نیا ریکارڈ قائم کیا ہے۔

default

ٹیسٹ کرکٹ کے بعد ایک روزہ میچوں میں بھی سب سے زیادہ وکٹیں حاصل کرنے والی کھلاڑی موتھیا مرلی دھرن

کولمبو میں بھارت کے خلاف جاری سیریز کے چوتھے ون ڈے میچ میں اُنہوں نے گوتم گھمبیر کوآوٴٹ کرکے پاکستان کے شہرہء آفاق سوینگ گیندباز وسیم اکرم کے 502 وکٹوں کے ریکارڈ کو توڑ دیا۔ مُرلی دھرن نے نیا ریکارڈ اپنے کیرئیر کے 328 ویں میچ میں قائم کیا۔ ٹیسٹ میچوں میں بھی مُرلی دھرن سب سے زیادہ وکٹیں حاصل کرنے والے گیندباز ہیں۔ اُنہوں نے 125 ٹیسٹ میچوں میں 769 وکٹیں حاصل کررکھی ہیں۔

کولمبو کے پریما داسا سٹیڈیم پر کھیلے جارہے ون ڈے میچ میں بھارت نے گوتم گھمبیر کے 150 رنوں کی شاندار اننگز کی بدولت مقررہ پچاس اووروں میں 332 رنز بنائے۔

پہلے تین ون ڈے میچوں میں کامیابی حاصل کرکے بھارت یہ سیریز اپنے نام کرچکا ہے۔

Sri Lanka Sport Cricket Cricketspieler Muttiah Muralitharan

مرلی دھرن باؤلنگ کراتے ہوئے

36 سالہ مرلی دھرن پہلے ہی 125 میچوں میں 769 وکٹوں کے ساتھ ٹیسٹ کرکٹ میں سب سے زیادہ وکٹیں حاصل کرنے کا ریکارڈ بھی قائم کر چکے ہیں۔

بھارتی اننگز کے اختتام پر مرلی دھرن نے ایک انٹرویو میں کہا ’’ مجھے بے پناہ فخر اور خوشی کا احساس ہو رہا ہے کہ میں نے یہ ریکارڈ قائم کیا۔‘‘

ان کا کہنا تھا کہ ان کی اس کامیابی میں کوئی راز پوشیدہ نہیں تاہم وہ اسے قدرت کی جانب سے عطا کردہ صلاحیت تصور کرتے ہیں ان کا یہ بھی کہنا تھا کہ انہوں نے اپنے پورے کرکٹ کرئیر میں سخت محنت کا سلسلہ کبھی کم نہیں ہونے دیا۔ ’’ میں یہ ریکارڈ اپنی فیملی اور اپنے والدین کے نام کرنا چاہتا ہوں جنہوں نے ہر اچھے اور برے وقت میں میرا ساتھ دیا۔‘‘

Wasim Akram

مرلی دھرن سے پہلے یہ ریکارڈ پاکستان کے سابق فاسٹ باؤلر وسیم اکرم کے پاس تھا


مرلی دھرن سے پہلے ون ڈے کرکٹ میں سب سے زیادہ وکٹیں حاصل کرنے والے سابق پاکستانی فاسٹ باؤلر وسیم اکرم نے کہا کہ مرلی دھرن واقعی اس اعزاز کے حقدار ہیں۔ وسیم اکرم کا کہنا تھا کہ اگر مرلی دھرن اسی تواتر سے اگلے دو یا تین سال تک کرکٹ کھیلتے ہیں تو وہ ٹیسٹ کرکٹ میں 1000 اور ون ڈے کرکٹ میں 600 سے زائد وکٹیں حاصل کرنے میں بھی کامیاب ہو جائیں گے۔