1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

تین بھارتی ریاستوں میں ووٹوں کی گنتی جاری

مہاراشٹر، ہریانہ اور اروناچل پردیش میں حالیہ اسمبلی انتخابات کے لئے ڈالے گئے ووٹوں کی گنتی کا عمل جمعرات کی صبح مقامی وقت کے مطابق آٹھ بجے شروع ہوا۔ تمام نتائج سہ پہر تک آنے کی توقع ہے۔

default

پچھلے انتخابات مین ان تینوں ریاستوں میں کانگریس اتحاد نے حکومت قائم کی تھی

ان تینوں ریاستوں کے رائے دہندگان نے اسمبلی انتخابات کے لئے تیرہ اکتوبر کو ووٹ ڈالے تھے۔ ہریانہ اور اروناچل پردیش میں پولنگ کا عمل مجموعی طور پر پر امن رہا تھا تاہم مہاراشٹر میں نکسل باغیوں کی پُرتشّدد کارروائیوں کے باعث انتخابی عمل جزوی طور پر متاثر ہوگیا تھا۔ پولنگ کے دوران مسلح ماوٴنواز باغیوں کی کارروائیوں کے نتیجے میں ریاست مہاراشٹر کے بائیس انتخابی مراکز میں دوبارہ ووٹنگ کرائی گئی۔

Ein Wahlautomat bei den Wahlen in Indien

ووٹوں کی گنتی کا عمل جاری ہے

الیکشن کمیشن کے ترجمان راجیش ملہوترا نے بتایا کہ انتخابی کمیشن کی ویب سائٹ پر تینوں ریاستوں کی تمام ہی اسمبلی نشستوں کے نتائج کے بارے میں معلومات دستیاب ہوں گی۔

مختلف جائزوں کے اندازوں کے مطابق ہریانہ اور اروناچل پردیش میں کانگریس پارٹی دوبارہ آسانی سے حکومت بنانے میں کامیاب ہوجائے گی۔ تاہم مہاراشٹر میں کانگریس اور نیشنلسٹ کانگریس پارٹی اتحاد کو شیو سینا اور بھارتیہ جنتا پارٹی کے اتحاد سے سخت مقابلے کی توقع ظاہر کی جا رہی ہے۔

مہاراشٹر اسمبلی کی 288، ہریانہ میں 90 جبکہ اروناچل میں 60 اسمبلی نشستوں کے لئے ووٹنگ ہوئی تھی۔

رپورٹ : گوہر نذیر

ادارت : عاطف توقیر