1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

تھائی لینڈ میں پانی کی پستول سے جنگ کا ممکنہ عالمی ریکارڈ

تھائی لینڈ نے پانی کی پستول سے لڑی جانےوالی دنیا کی سب سے بڑی اور طویل ترین جنگ کا عالمی ریکارڈ قائم کرنے کا دعوٰی کیا ہے۔اس سے قبل یہ ریکارڈ اسپین میں قائم کیا گیا تھا۔

default

تھائی لینڈ میں ہر نئے تھائی سال کے پہلے دن یہ تقریب منائے جانے کی روایت قائم ہے۔ میڈیا رپورٹس کے مطابق تقریباﹰ 3471 افراد نے دارالحکومت بینکاک کے ایک ڈپارٹمنٹیل اسٹور کے سامنے منعقد ایک تقریب میں دس منٹ تک ایک دوسرے پر پانی کی پستول کی مدد سے پانی پھینکا۔

Thailand Demonstration Neujahr Songkran

تھائی لینڈ میں نئے سال کی آمد پر ایک دوسرے پر پانی پھینک کے جشن منایا جاتا ہے

منتظمین کے مطابق ان کی منعقدہ اس تقریب نے ستمبر 2007 ء کو اسپین میں قائم کیے گئے اس ریکارڈ کو بھی توڑ ڈالا ہے جس میں 2671 شرکاء نے پانچ منٹ تک پانی سے جنگ لڑی تھی۔ تھائی اخبار ’دی نیشن‘ کے مطابق اس دعوے کو عالمی ریکارڈ میں شامل کرنے کے لیے گینیز ورلڈ ریکارڈ سے درخواست کی گئی ہے۔

Wasser Neujahr in Thailand

نئے سال کا یہ میلہ تین دن تک جاری رہتا ہے

تھائی لینڈ میں نئے سال کو لاکھوں لوگ نہایت جوش و خروش سے مناتے ہیں۔ اس دن وہ اپنے آبائی گھروں کو لوٹ جاتے ہیں تاکہ اپنے والدین اور بزرگوں کی دعائیں لے سکیں ۔ اس موقع پر نوجوان ایک دوسرے پر ہنستے کھیلتے پانی کا چھڑکاؤ کرتے ہیں۔ تاہم ان دنوں بلا نوشی اور پانی کی پستول سے لڑائی کے باعث کئی حادثات رونما ہوتے ہیں۔

تھائی حکومت کے مطابق اس موقع پر ملنے والی تعطیلات کے ابتدائی تین دنوں میں ہی 1626 ٹریفک حادثات رونما ہوئے جس میں 116 افراد ہلاک جبکہ 1760 افراد ذخمی ہوئے۔ ایک اندازے کے مطابق 30 فیصد حادثات نشے کی حالت میں گاڑی چلانے کے باعث پیش آئے۔

رپورٹ: عنبرین فاطمہ

ادارت: شادی خان سیف

DW.COM