1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

تنقیدی بیان پر آفریدی سے جواب طلبی

شاہد آفریدی کا حالیہ بیان پاکستان کرکٹ بورڈ کو ناگوار گزرا ہے۔ پاکستان کرکٹ بورڈ نے قومی ون ڈے ٹیم کے کپتان کے بیانات کو ضابطہء اخلاق کی خلاف ورزی قرار دیتے ہوئے شاہد آفریدی سے وضاحت طلب کر لی ہے۔

default

پاکستانی کرکٹ ٹیم کے کپتان شاہد آفریدی اتوار کے روز دورہء ویسٹ انڈیز سے واپس لوٹے ہیں۔ واپسی پر صحافیوں سے گفتگو کرتے ہوئے ان کا کہنا تھا کہ وہ اس دورے کے دوران انتظامیہ کی طرف سے کی جانے والے مداخلت پر ناخوش ہیں اور اس بارے میں پاکستان کرکٹ بورڈ سے بھی بات کریں گے۔ ان کا یہ بھی کہنا تھا کہ ’ہر ایک کو اپنے کام سے کام رکھنا چاہیے اور دوسرے کے کام میں مداخلت نہیں کرنی چاہیے‘۔ شاہد آفریدی نے کسی کا بھی نام نہیں لیا کہ ان کے کام میں کس نے مداخلت کی تاہم مقامی میڈیا کے مطابق ٹیم سلیکشن کی وجہ سے وقار یونس کے ساتھ ان کے اختلافات شدت اختیار کر چکے ہیں۔

Kricket Waqar Younis

مقامی میڈیا کے مطابق ٹیم سلیکشن کی وجہ سے وقار یونس کے ساتھ ان کے اختلافات شدت اختیار کر چکے ہیں

اس سے قبل ویسٹ انڈیز نے پانچ ایک روزہ میچوں کی ہوم سیریز کے آخری میچ میں پاکستان کو 10 وکٹوں سے شکست دے دی تاہم پاکستان یہ سیریز دو کے مقابلے میں تین میچوں کے فرق سے پہلے ہی اپنے نام کرچکا تھا۔

جمعرات کو ہونے والے آخری ایک روزہ بین الاقوامی میچ میں پاکستان کی پوری ٹیم غیر ذمہ دارانہ بیٹنگ کرتے ہوئے 42 اوورز میں صرف 139 رنز بنا کر آؤٹ ہوگئی تھی۔ ویسٹ انڈیز کی ٹیم نے ایک سو چالیس رنز کا مطلوبہ ہدف 3.23 اوورز میں بغیر کسی نقصان کے حاصل کر لیا تھا۔

اس سے قبل گیانا میں ہونے والے سیریز کے چوتھے میچ میں پاکستان نے ٹاس جیت کر پہلے بیٹنگ کا فیصلہ کیا تو تب بھی پاکستانی بیٹنگ لائن ویسٹ انڈیز کے بولرز کے سامنے پوری طرح بے بس نظر آئی اور مہمان ٹیم یہ میچ بھی ہار گئی تھی۔

رپورٹ: امتیاز احمد

ادارت: مقبول ملک

DW.COM