1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

مہاجرین کا بحران

ترکی میں موجود مہاجرین یورپ کا رخ کر سکتے ہیں، فرنٹیکس

یورپی یونین کی سرحدی نگرانی کے ادارے فرنٹیکس کا کہنا ہے کہ ترکی میں بغاوت کی ناکام کوشش کے بعد سے ترکی کی داخلی صورت حال ایسی ہو چکی ہے کہ ان کی توجہ تارکین وطن کو روکنے پر مرکوز نہیں ہے۔

فرنٹیکس کے مطابق ترکی کی موجودہ سیاسی صورت حال کے باعث ترکی اور یورپی یونین اور ترکی کے مابین طے شدہ مہاجرین کی ڈیل ختم ہونے یا اس کے غیر موثر ہونے کا اندیشہ ہے۔

دو برسوں میں ایک لاکھ سے زائد پاکستانیوں نے یورپ میں پناہ کی درخواستیں دیں

جرمن اخبار ’ویلٹ ام زونٹاگ‘ میں شائع ہونے والی ایک رپورٹ کے مطابق ترک کوسٹ گارڈز سمیت ملکی سکیورٹی اداروں کی توجہ ترکی کی داخلی صورت حال پر مرکوز ہے۔ اخبار نے فرنٹیکس کے ماہرین کے تیار کردہ ایک داخلی تجزیے کا حوالہ دیتے ہوئے لکھا ہے، ’’موجودہ حالات کے نتیجے میں تارکین وطن کو یورپ کا رخ کرنے سے روکنے کی ترک سکیورٹی اداروں کی صلاحیت متاثر ہو سکتی ہے جس کے باعث ممکن ہے کہ ترک حکام مہاجرین سے متعلق معاہدے پر عمل درآمد نہ کر پائیں۔ ایسی صورت حال میں اس معاہدے کے مستقبل پر سوالات پیدا ہو رہے ہیں۔‘‘

یورپی یونین کی بیرونی سرحدوں کی نگرانی کرنے والے اس ادارے کا یہ بھی کہنا ہے کہ انہیں یونان اور اٹلی پہنچنے والے تارکین وطن کی درست شناخت اور قومیت جاننے میں بھی مشکلات پیدا ہو رہی ہیں۔ یورپ کا رخ کرنے والے تارکین وطن کو عام طور پر یونان اور اٹلی میں قائم استقبالیہ مراکز پہنچایا جاتا ہے جہاں ان کی ابتدائی رجسٹریشن کی جاتی ہے۔

فرنٹیکس کے اس داخلی تجزیے میں یہ بھی لکھا گیا ہے کہ ’’پاسپورٹ اور دیگر شناختی دستاویزات کے بغیر بڑی تعداد میں یورپ کا رخ کرنے والے تارکین وطن کی درست شناخت کرنا ایک بڑا اور اہم چیلنج ہے۔‘‘

علاوہ ازیں فرنٹیکس نے اس خدشے کا اظہار بھی کیا ہے کہ پناہ گزینوں کے روپ میں اسلامک اسٹیٹ جیسی دہشت گرد تنظیموں کے جہادی بھی یورپ میں داخل ہو سکتے ہیں۔ شام اور عراق میں داعش کے خلاف جاری آپریشن کے تناظر میں اس رپورٹ میں یہ بھی لکھا گیا ہے کہ یورپ پہنچنے کی کوشش کرنے والے دہشت گردوں کے علاوہ یورپی ممالک میں موجود شدت پسند شام اور عراق جانے کی کوشش بھی کر سکتے ہیں۔

جرمنی: طیارے آدھے خالی، مہاجرین کی ملک بدری میں مشکلات حائل

’یورپ میں انسانی ہمدردی کی بنیاد پر ویزے نہیں دیے جائیں گے‘

ویڈیو دیکھیے 03:00

امیدوں کے سفر کی منزل، عمر بھر کے پچھتاوے

Audios and videos on the topic