1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

تحقیقات پر کوئی اعتراض نہیں ہے: شلپا شیٹی

راجستھان رائلز کی شریک مالکن اور بالی وُڈ سٹار شلپا شیٹی نے کہا ہے کہ انہیں اور ان کی ٹیم کو محکمہء انکم ٹیکس کی طرف سے مالی معاملات کی چھان بین پر اعتراضات نہیں ہیں اور نہ ہی وہ تحقیقات سے خوفزدہ ہیں۔

default

بالی وُڈ سٹار شلپا شیٹی

بھارتی کرکٹ بورڈ ’بی سی سی آئی‘ اور انکم ٹیکس ڈپارٹمنٹ راجستھان رائلز کے لئے کھلاڑیوں کی بولی، سپانسرشپ اور دیگر مالی معاملات کی چھان بین کے حوالے سے سنجیدہ ہیں۔ راجستھان رائلز کی ’برانڈ ایمبیسیڈر‘ اور شریک مالکن شلپا شیٹی نے ایک بھارتی نجی ٹیلی وژن چینل کے ساتھ انٹرویو میں کہا کہ انہیں کسی قسم کا خوف نہیں ہے۔ شیٹی نے یقین کے ساتھ کہا کہ ان کی ٹیم کے تمام مالی معاملات صاف و شفاف طریقے سے چلائے گئے ہیں۔

Rajasthan Royals Shilpa Shetty

شلپا سیٹی اور راج کندرا

میدان کے باہر تنازعات میں گھری انڈین پریمیئر لیگ اس وقت شدید بحران کی شکار ہے۔ بالی وُڈ سٹار شیٹی نے کہا کہ ’آئی پی ایل‘ تنازعہ اب بہت ہی سیاسی ہوتا جا رہا ہے۔’’میرے خیال میں یہ سارا معاملہ اب سیاسی بنتا جا رہا ہے جبکہ خود میں ایک غیر سیاسی شخصیت ہوں۔ جہاں تک میرا اور میرے شوہر راج کا تعلق ہے، ہم نے محض تجارتی بنیادوں پر راجستھان رائلز کی ٹیم میں سرمایہ لگایا۔ ہمیں اس بات پر کوئی ملال بھی نہیں ہے۔‘‘

Lalit Modi Vorsitzender der IPL Cricket Indien

پریمیئر لیگ کے معطل کمشنر للت مودی

اُدھر انڈین پریمیئر لیگ کے معطل کمشنر للت مودی کے والد کے کے مودی نے اس یقین کا اظہار کیا ہے کہ آخر کار جیت ان کے بیٹے کی ہی ہوگی۔ کے کے مودی 3500 کروڑ روپے مالیت کی کمپنی ’گاڈفری فلپس انڈیا‘ کے مالک ہیں۔ انہوں نے کہا کہ پورا خاندان مشکل حالات میں للت مودی کے ساتھ ہے۔ انہوں نے کہا کہ ان کا اپنے بیٹے کے لئے یہی مشورہ ہے کہ وہ ہمت نہ ہارے اور اپنے حقوق کا دفاع کرنے کے لئے سپریم کورٹ کا دروازہ کھٹکھٹائے۔

انڈین پریمیئر لیگ کی گورننگ کونسل نے للت مودی کو ان کے عہدے سے معطل کرنے کے بعد چرایو امین کو عبوری چیئرمین مقرر کیا تھا۔ بھارتی کرکٹ بورڈ نے ایک ’ای میل‘ کے ذریعے مودی کو ان کے عہدے سے معطل کرنے کی اطلاع دی تھی۔

رپورٹ: گوہر نذیر گیلانی /خبر رساں ادارے

ادارت: عاطف بلوچ

DW.COM