پاکستان میں سیکورٹی فورسز نے تحریک طالبان سے تعلق رکھنے والے مشتبہ دہشت گرد اسمٰعیل محسود کو کراچی کے علاقے سہراب گوٹھ سے گرفتار کر لیا ہے۔
سلامتی ادارے کے اہلکاروں کے مطابق اسمٰعیل محسود کو خفیہ اداروں نے اس اطلاع ملنے کے بعد گرفتار کیا کہ وہ کراچی میں دہشت گردانہ کاررایئوں کی منصوبہ بندی کر رہا ہے۔ سیکورٹی اداروں نے ان سے اسلحہ بھی برامد کیا ہے اور گرفتاری کے بعد انہیں مزید تفتیش کے لئے نامعلوم مقام پر منتقل کر دیا گیا ہے۔
کراچی پولیس اس سے پہلے بھی کئی مبینہ دہشت گردوں کو گرفتار کرنے کا دعویٰ کر چکی ہے
اس سے پہلے بھی گزشتہ ماہ کراچی سے القاعدہ سے تعلق رکھنے کے شبہ میں کچھ لوگوں کو گرفتار کیا گیا ہے جن میں بلدیہ ٹاؤن سے پکڑے جانے والے نائب عبدالغنی برادر قابل ذکر ہیں جن کے بارے میں کہا جاتا ہے کہ وہ ملا عمر کے نائب ہیں۔ ملا عمر اور عبدالغنی برادر کا تعلق افغانستان پر روسی حملے کے دور میں قائم ہوا تھا اور جب طالبان نے کابل فتح کیا تو برادر کو کابل کاکمانڈر مقرر کیا گیا تھا۔
رپورٹ: بخت زمان
ادارت: کشورمصطفیٰ