1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

بے نظیر قتل : اقوامِ متحدہ کمیشن تشکیل دینے کے لیے تیّار

پاکستان کے وزیرِ خارجہ شاہ محمود قریشی نیو یارک میں پریس کانفرنس سے خطاب کرتے ہوئے کہا ہے کہ سابق وزیرِ اعظم بے نظیر بھٹّو کے قتل کی تحقیقات کے لیے اقوامِ متحدہ ایک کمیشن کی تشکیل پر راضی ہو گیا ہے۔

default

سابق وزیرِ اعظم پاکستان بے نظیر بھٹّو

اقوامِ متحدہ کی جانب سے جاری کیے گئے ایک بیان میں کہا گیا ہے کہ اقوامِ متحدہ نے کمیشن کی تشکیل کے لیے پاکستانی حکومت کی درخواست قبول کر لی ہے تاہم ابھی اس کی جزویات سے متعلق مشاورت ہونا باقی ہے۔


پاکستان کے ممتاز صحافی اور تجزیہ نگار غازی صلاح الدین کا کہنا ہے کہ یہ مطالبہ اس وقت تک تو اثر رکھتا تھا جب پیپلز پارٹی حکومت میں نہیں تھی۔ اب جب پیپلز پارٹی کی حکومت ہے تو کہا یہی جائے گا کہ وہ خود قتل کی تحقیقات کیوں نہیں کرتی۔