1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بیکھم نیا سیزن بھی میلان کی طرف سے کھیلیں گے

’بینڈ اٹ لائک بیکھم‘! مڈ فیلڈر ڈیوڈ بیکھم کی خواہش ہے کہ وہ اس سال جنوبی افریقہ میں کھیلے جانے والے عالمی کپ میں اپنی قومی ٹیم انگلینڈ کی نمائندگی کریں۔

default

اُنہوں نے کہا، وہ فِٹ ہیں اور چاہتے ہیں کہ 2009ءکی طرح ہی سال 2010 ء میں بھی اطالوی فُٹ بال کلب ’اے سی میلان‘ کی طرف سے کھیلتے ہوئے اپنی کامیابیوں کا سلسلہ جاری رکھ سکیں۔

بیکھم نے میڈیکل ٹیسٹ پاس کر لیا ہے۔ اے سی میلان کی طرف سے بیکھم اپنا پہلا میچ چھ جنوری کو کھیلیں گے۔ سال 2009ء میں اطالوی کلب ’اے سی میلان‘ کی طرف سے بیکھم نے جنوری تا مئی کُل اٹھارہ میچوں میں دو بار گول سکور کیا۔ بیکھم کہتے ہیں کہ وہ فاروڈ، ڈیفنس یا مڈ فیلڈ، کسی بھی پوزیشن پر کھیلنے کے لئے تیار ہیں۔

Fussball Italien Bologna gegen AC Milan David Beckham

ڈیوڈ بیکھم 2009ء کے اوائل میں اے سی میلان کی طرف سے اطالوی کلب بولونیا کے خلاف کھیلتے ہوئے

میلان پہنچنے پر انگلش مڈ فیلڈر نے ایک پریس کانفرنس میں کہا کہ کلب ’اے سی میلان‘ کے ساتھ ان کا ’’تجربہ بہت خاص رہا ہے‘‘ اور وہ چاہتے ہیں کہ ان کی موجودگی میں یہ کلب Serie A چیمپیئن بنے۔

بیکھم کے مطابق میلان کے ساتھ گزارے گئے چھ مہینوں کی مدت ان کے کیریئر کے بہترین چھ مہینوں میں سے ایک تھی۔ 34 سالہ فُٹ بال سٹار ’اے سی میلان‘ سے قبل انگلش کلب مانچسٹر کی طرف سے کھیلا کرتے تھے۔

ورلڈ کپ میں اپنے ملک کی طرف سے کھیلنے کے لئے سٹار فٹ بالر کو جلد ہی فارم میں آنا پڑے گا ورنہ کیا پتہ ان کی خراب فارم اور ڈھلتی عمر کے باعث کسی ہونہار نوجوان کھلاڑی کو ان کی جگہ انگلش ٹیم میں شامل کر لیا جائے۔

رپورٹ: خبر رساں ادارے/گوہر نذیر گیلانی

ادارت: امجد علی