1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بین الاقوامی سوئمنگ میں سپر ہائی ٹیک کاسٹیوم ممنُوع

سوئمنگ کی گورننگ باڈی FINA نے سوئمنگ مقابلوں کے لئے ہائی ٹیک سپر سوئم سوٹس کے استعمال پر پابندی عائد کر دی ہے۔

default

امریکی پیرک مائیل فیلپس

ایسے سوٹس پلاسٹک کو پراسیس کرنے کے بعد بنائے جاتے ہیں اور ان میں پولی تھین کا استعمال کیا جاتا ہے۔ ان سپر سوئم سوٹس میں کپڑے کا استعمال نہیں کیا جاتا۔ ان سوئم سوٹس سے پیراکی میں نہ صرف آسانی پیدا ہوتی ہے بلکہ تیزی بھی آتی ہے۔

کئی سالوں سے یہ ہائی ٹیک سوئم سوٹس پیراکی کی بین الاقوامی تنظیموں میں وجہ گفتگو بنے ہوئے تھے تاہم اب ان سپر سوٹس پر پابندی کے بعد وسیع تر حلقوں میں اس فیصلے کی ستائش کی جا رہی ہے۔ اب سوئمنگ کے بین الاقوامی مقابلوں میں صرف کپڑے کے روائتی سوئم سوٹس ہی پہنے جائیں گے۔ تاہم اس فیصلے کا اطلاق سن 2010 سے ہو گا اور اسی لئے روم میں ہونے والے عالمی چمپئین شپ میں ان سپر سوٹس کا آخری مرتبہ استعمال متوقع ہے۔

Britta Steffen 2008 Olympiade China

جرمن سوئمر Britta Steffen

پیراکی کی کارکردگی میں جلا بخشنے والے یہ ہائی ٹیک سوئم سوٹس پہلی مرتبہ سن 2008 میں منظر عام پر آئے تھے اور انہیں کافی پذیرائی ملی۔ انہی سوئم سوٹس کی وجہ سے صرف ایک ہی سال میں سو نئے عالمی ریکارڈ بنے۔ ان سوٹس پر پابندی عائد کئے جانے کے بعد امکان ہے کہ نئے ورلڈ ریکارڈز شائد اب اتنی تیزی سے نہ بن سکیں جیسا کہ سپر سوٹس کی موجودگی میں ہوا۔

رپورٹ: عاطف بلوچ

ادارت: شامل شمس