1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بیجنگ اولمپکس میں چینی کھلاڑیوں نے دو گولڈ میڈل جیت لئے

چینی دارلحکومت میں جاری کھیلوں کے 29 ویں گرمائی اولمپک مقابلوں میں میزبان ملک کے کھلاڑی شروع دن سے ہی متاثر کن کارکردگی کا مظاہرہ کرتے نظر آنے لگے ہیں۔ ہفتہ کے روز بیجنگ میں چینی کھلاڑیوں نے دو گولڈ میڈل حاصل کئے۔

default

بیجنگ اولمپکس کی افتتاحی تقریب کے موقع پر نیشنل سٹیڈیم میں کی جانے والی آتشبازی کا ایک منظر

بیجنگ اولمپیائی مقابلوں کا پہلا ھولڈ میڈل ایئر گن شوٹنگ میں چیک جمہوریہ کی کھلاڑی کاترینا ایمونز نے جیتا جبکہ میزبان ملک کے لئے پہلے دونوں گولڈ میڈل 48 کلوگرام وزن کے شعبے میں خاتون ویٹ لفٹرچَین زی ژیا اور ائیر گن شوٹنگ کے شعبے میں مرد کھلاڑی پانگ وائی نے جیتے۔

جرمنی کی خواتین کی قومی فٹ بال ٹیم جو موجودہ عالمی چیمپئین بھی ہے نائیجیریا کے خلاف اپنا ابتدائی میچ صفر کے مقابلے میں ایک گول سے جیت کر قبل ازوقت ہی کوارٹر فائنل میں پہنچنے میں کامیاب ہو گئی۔

اس کے علاوہ سٹریٹ سائیکلنگ کے شعبے میں مردوں کا گولڈ میڈل اسپین کے کھلاڑی سیموئل سانچیز نے جیتا۔