1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارت کے شہری اور دیہی علاقوں کے مابین خلیج

بھارتی حکومت کا ارادہ ہے کہ سال رواں کے دوران ملک میں معیشی ترقی کی سالانہ شرح8فیصد کے قریب رہے لیکن اس ترقی کے پس منظر میں ملکی منصوبہ بندی کمشن نے خبردار کیا ہے کہ بھارت میں شہری اور دیہی علاقوں کے درمیان پائی جانے والی خلیج اور بھی وسیع ہوتی جارہی ہے۔

الہٰ آباد میں مٹی کے برتن بیچنے والا ایک شہری

الہٰ آباد میں مٹی کے برتن بیچنے والا ایک شہری

یہ صورت حال اتنی سنجیدہ نوعیت کی ہے کہ وزیر اعظم ڈاکٹر من موہن سنگھ جون کے آخر میں ملک کے مختلف دیہی اور پسماندہ علاقوںکا ایک دورہ بھی کرنے والے ہیں۔ دوسری طرف یہ اعدادوشمار بھی تشویشناک ہیں کہ گذشتہ تقریباً سات آٹھ برسوں کے دوران قریب25ہزار بھارتی کسان اپنی غیر تسلی بخش مالی حالت اور انتہائی محرومی کی زندگی سے تنگ آکر خود کشی کر چکے ہیں۔

اسی لئے اب ماہرین کی سطح پر یہ بحث اور بھی شدید ہو گئی ہے کہ ترقی اور وسائل کی اس غیر مساوی تقسیم کو کس طرح کم سے کم کیا جاسکتا ہے۔