1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارت کا تیل بند کر دیں گے، ایران کی دھمکی

ایران نے بھارت کو تیل کی سپلائی روکنے کی دھمکی دی ہے۔ اس کا کہنا ہے کہ اگر بھارت نے خام تیل کی اربوں ڈالر کی واجب الادا رقم کی فراہمی نہ کی تو اگلے ماہ کے شروع سے بھارت کو تیل کی فراہمی بند کر دی جائے گی۔

default

تیل پیدا کرنے کا ایک ایرانی مقام

ایران کی نیم سرکاری خبر رساں ایجنسی ’فارس نیوز‘ نے تیل کی وزارت کے ایک اعلیٰ اہلکار کے حوالے سے خبر دی ہے کہ بھارت نے اگر واجب الادا رقم نہیں ادا کی تو اسے یکم اگست سے خام تیل کی سپلائی بند کر دی جائے گی۔ ایک اور نیم سرکاری خبر رساں ایجنسی مہر نے ایرانی مرکزی بینک کے گورنر محمد باہمنی کے حوالے سے بتایا ہے کہ بھارت پر ایران کے پانچ ارب ڈالر واجب الادا ہیں۔

Ölförderung in Iran, Öl, Wirtschaft

ایران میں قائم تیل کی ریفائنری

اپریل میں جرمنی کے سینٹرل بینک کے ذریعے ایران کو ادائیگی کرنے کی بھارتی کوششیں ناکام ہو گئیں تھیں کیونکہ ایران کی حکومت پر اس کے متنازعہ جوہری پروگرام کی وجہ سے بین الاقوامی پابندیاں عائد ہیں۔

ایرانی وزارت تیل کے اہلکار کے حوالے سے فارس نیوز ایجنسی نے کہا ہے، ’’خام تیل کی ادائیگی سے وابستہ مسائل ابھی تک حل نہیں ہوئے ہیں۔ بہت حد تک یہ ممکن ہے کہ ایران اگست سے بھارت کو خام تیل نہیں بیچے گا۔‘‘

بتایا جاتا ہے کہ بھارت ہر ماہ ایران سے 1.2 کروڑ بیرل خام تیل حاصل کرتا ہے جو اس کی مجموعی ضرورت کا 12 فیصد بنتا ہے۔ اس طرح ایران سعودی عرب کے بعد بھارت کوتیل سپلائی کرنے والا دوسرا سب سے بڑا ملک ہے۔

Gas im Iran

تیل و گیس کے پیداوری مقامات پر ایرانی جھنڈا لہرانا عام ہے

مہر ایجنسی نے باہمنی کے حوالے سے کہا ہے کہ تیل کے بقایا جات کی ادائیگی کا بینکنگ سسٹم سے کوئی لینا دینا نہیں ہے بلکہ یہ معاملہ سیاسی مسائل میں پھنسا ہے۔ مبصرین کا خیال ہے کہ ایرانی حکومت کا بھارت بارے ادائیگیوں کا مؤقف ایرانی اقتصادیات کی مشکلات کو بیان کرنے کے برابر ہے۔

دوسری جانب ایران نے پاکستان کے ساتھ گزشتہ اتوار وعدہ کیا تھا کہ وہ سن 2012ء کے اختتام تک پاکستان کے لیے قدرتی گیس کی فراہمی شروع کر دے گا۔

صدر آصف علی ذرداری کے دورے کے دوران دونوں ممالک کے درمیان تجارت امریکی ڈالر کی بجائی مقامی کرنسیوں میں کرنے پر اتفاق ہوا تھا۔ مقامی کرنسیوں میں ادائیگی کا مقصد کسی بھی ممکنہ بحران سے بچنا ہے۔

رپورٹ: امتیاز احمد

ادارت: عابد حسین

DW.COM

ویب لنکس