1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت میں کھیلا جا سکتا ہے: آسٹریلیا

فیڈریشن آف انٹر نیشنل کر کٹرز ایسو سی ایشن اور آسٹریلئین کر کٹرز ایسوسی ایشن نے آسٹریلوی ٹیم کے دورہ بھارت کو پاکستان کی نسبت محفوظ قرار دیا ہے۔

default

نئی دہلی میں ہفتےکے روز ہو نے والے پانچ بم دھماکوں میں 24 افراد ہلاک ہو گئے تھے جس کے بعد کرکٹ آسٹریلیا اور آسٹریلین کرکٹرز ایسوسی ایشن نے فوری طور پر اپنے سیکیورٹی مشیروں سے صورتحال پر رپورٹ طلب کر لی۔

فیڈریشن آف انٹرنیشنل کرکٹرز ایسوسی ایشن کے چیف ایگزیکٹو ٹم مے کا کہنا ہے کہ پاکستان کی نسبت بھارت میں سیکورٹی کی صورتحال اتنی ابتر نہیں ہے۔ انہوں نے کہا کہ گزشتہ بارہ ماہ کے دوران پاکستان میں 66 خود کش حملے ہوئے جن میں سے 17 حملے چیمپیئنز ٹرافی کے میزبان شہروں میں ہوئے۔ مے کا کہنا ہے کہ وزارت خارجہ کی جانب سے دونوں ممالک کے لئے جاری ہونے والی ٹریول ایڈوائس بھی مختلف ہے۔


آسٹریلین کرکٹرز ایسو سی ایشن کے چیف ایگزیکٹو پال مارش نے بھی ٹم مے کی رائے سے اتفاق کیا ہے۔ ان کا کہنا ہے کہ اگر آسٹریلوی ٹیم بھارت میں قیام کرتی ہے تو آسٹریلیا پر دوہرا معیار اپنانے پر انگلیاں اٹھائی جائیں گی لیکن سیکیورٹی ماہرین کی رائے میں کھلاڑیوں کے لئے پاکستان کی نسبت بھارت کا دورہ کرنا زیادہ محفوظ ہے۔