1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارت میں ٹرین حادثہ، کم ازکم اکتیس افراد ہلاک

بھارتی ریاست اتر پردیش میں ٹرین حادثے کے نتیجے میں کم ازکم اکتیس افراد ہلاک جبکہ درجنوں زخمی ہو گئے ہیں۔ بتایا گیا ہے کہ ایک ٹرین مسافروں سے بھری بس سے ٹکرا گئی۔

default

خبر رساں ادارے اے ایف پی کے مطابق جمعرات کی صبح یہ حادثہ اس وقت پیش آیا جب باراتیوں سے بھری ایک بس ایک کراسنگ پر تیز رفتار ٹرین سے جا ٹکرائی۔ مقامی ذارئع ابلاغ کے مطابق اس بس میں کم ازکم 70 افراد سوار تھے۔ اطلاعات کے مطابق ٹرین پر سوار کوئی بھی مسافر ہلاک نہیں ہوا۔ مقامی حکام کے بقول دولہا اور دولہن ایک الگ کار میں سوار تھے اور وہ بھی اس حادثے کی زد میں نہیں آئے۔

مقامی ٹیلی وژن چینلوں پر دکھائے جانے والے مناظر کے مطابق حادثے کی جگہ پر ملبہ بکھرا پڑا تھا اور پولیس اہلکار لاشوں کو ملبے سے نکال رہے تھے۔ یہ حادثہ کانشی رام نگر میں پیش آیا۔ ضلع کانشی رام نگر بھارتی دارالحکومت نئی دہلی کےجنوب مشرق میں 170 کلو میٹر دور واقع ہے۔

Zugunglück im Norden Indiens

شمالی بھارت میں ہونے والے ریل حادثے کے بعد امدادی عمل اور لوگوں کی بھیڑ

پریس ٹرسٹ آف انڈیا کے بقول اس حادثے میں 33 افراد ہلاک جبکہ سترہ زخمی ہوئے جبکہ UNI نیوز ایجنسی نے مقامی اعلیٰ اہلکار کا حوالہ دیتے ہوئے ہلاک شدگان کی تعداد 31 بتائی ہے۔ اس حادثے کے نتیجے میں ہلاک ہونے والوں کی تعداد میں اضافے کا خدشہ ظاہر کیا جا رہا ہے۔ بتایا گیا ہے کہ سرچ آپریشن جاری ہے اور امدادی ٹیمیں ملبے تلے افراد کو نکالنے کی بھرپور کوشش جاری رکھے ہوئے ہیں۔

اگرچہ بھارت میں ٹرین حادثات رونما ہوتے رہتے ہیں تاہم سال 2011ء کے دوران یہ سب سے بڑا حادثہ قرار دیا جا رہا ہے۔ گزشتہ برس مئی میں ممبئی جانے والی ایک ٹرین کارگو ٹرین سے ٹکرا گئی تھی، جس کے نتیجے میں 150 افراد لقمہ اجل بن گئے تھے۔ اسی طرح 2010ء میں ویسٹ بنگال میں ایک تیز رفتار ٹرین کے مقامی ٹرین کے ساتھ ٹکرانے کے نتیجے میں 60 افراد ہلاک جبکہ 165 زخمی ہو گئے تھے۔

بھارتی تاریخ میں ٹرین کا خوفناک حادثہ 1981ء میں پیش آیا تھا۔ اس حادثے میں مشرقی ریاست بہار میں ایک تیز رفتار ٹرین پل سے گر گئی تھی، جس کے نتیجے میں 800 افراد مارے گئے تھے۔

رپورٹ: عاطف بلوچ

ادارت: عابد حسین

DW.COM

ویب لنکس