1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارت میں مون سون بارشوں کی تباہ کاریاں

بھارتی علاقوں اترپردیش اور بہار میں طوفانی بارشوں نے تباہی مچادی ۔حالیہ مون سون بارشوں سےاب تک 700سے زائد افرادہلاک ہو چکے ہیں۔

default

بھارت میں ایک بچی برساتی پانی میں


بھارت میں مون سون کی بارشوں سے ہلاک ہونے والوں کی تعداد 700سے تجاوز کر گئی ہے۔ بھارتی حکام کے مطابق حالیہ بارشوں کے بعد آنے والے سیلاب سے اتر پردیش میں مزید 27افراد ہلاک ہو گئے۔ جس سے پورے بھارت میں ان بارشوں اور سیلاب سے مرنے والوں کی تعداد700سے زائد ہو گئی ہے۔ ریلیف کمشنر G.K.Tandonکے مطابق گھروں کے گرنے سے زیادہ ہلاکتیں ہوئیں۔ مختلف جگہوں پر آسمانی بجلی گرنے سے بھی 75افراد ہلاک ہوئے۔

Flut in Süd Asien

بھارتی ریاست اتر پردیش ان بارشوں سے شدید متاثر

متاثر ہونے والوں کی زیادہ تعداد دیہی علاقوں کے رہائشیوں کی ہے۔ اندازہ ہے کہ حالیہ بارشوں سے مجموعی طور پر تقریبا ً 1.29 ملین افراد متاثر ہوئے ہیں۔ شدید بارشوں اور سیلاب سے اتر پردیش کے ڈیم کو بھی نقصان پہنچا ہے ، اس سے سیلاب زدہ علاقوں کو مذید خطرات لاحق ہوگئے ہیں۔ اس حوالے سے حکام کا کہنا ہے کہ ڈیم کی تعمیر کا کام جاری ہے۔ مون سون کی بارشوں کی تباہ کاریوں میں بھارتی ریاست بہار بھی بُری طرح متاثر ہوئی ہے اور ریاست بھر میں ہزاروں گھروں کو نقصان پہنچا ہے۔ اندازے کے مطابق تقریباًسات لاکھ سے زائد افراد متاثر ہوئے ہیں۔ جب کے بھارت بھر کے سیلاب زدہ علاقوں میں سینکڑوں ایکٹر اراضی پر کھڑی فصلیںشدید متاثر ہوئیں اور جانور سیلابی ریلوں میں بہہ گئے۔ مسلسل بارشوں کا سلسلہ جاری ہے اور دریاؤں میں پانی کا بہاؤ خطرے کے نشان سے اوپر ہے ۔ دیہاتوں سے تعلق رکھنے والے غریب لوگوں ان بارشوں سے زیادہ متاثر ہوئے ہیں جو انتہائی کسمپرسی کے عالم میں امداد کا انتظار کر رہے ہیں۔ ہنگامی بنیادوں پر امداد نہ کی گئی تو ہلاکتوں میں مزید اضافے کا خدشہ موجود ہے۔