1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

 بھارت سے داعش کی اسمگل شدہ ’فائٹر ڈرگ‘ اٹلی میں پکڑ لی گئی

اطالوی حکام کا کہنا ہے کہ انہوں نے جہادی گروپ اسلامک اسٹیٹ کی جانب سے اسمگل کی جانے والی پچاس ملین یورو مالیت کی افیون سے بنی مسکن ادویات کی ایک بڑی کھیپ اپنے قبضے میں لے لی ہے۔ یہ منشیات بھارت سے اسمگل کی گئی تھیں۔

جرمن خبر رساں ادارے ڈی پی اے کے مطابق اطالوی علاقے گواردا دی فینانسا میں کسٹم پولیس کے حکام نے ایک بیان میں کہا ہے کہ آج بروز جمعہ تین نومبر کو اٹھاون ملین ڈالر یا پچاس ملین یورو مالیت کی ’ٹرامنڈول‘ نامی دوا کی قریب چوبیس ملین گولیاں ایک شپمنٹ میں پکڑی گئی ہیں۔

یہ نشہ آور گولیاں بھارت سے بحری جہاز کے ذریعے لیبیا کے لیے بھیجی جا رہی تھیں۔ اطالوی حکام کا کہنا ہے کہ شدت پسند گروہ داعش ’ ٹرامنڈول‘ نام کی دوا بڑے پیمانے پر اپنے جنگجوؤں کو محرک رکھنے اور ان میں جسمانی قوت مدافعت بڑھانےکے لیے استعمال کرتا ہے۔اسی وجہ سے اس دوا کو ’فائٹر ڈرگ‘ کا نام دیا گیا ہے۔

آج کی اطالوی پولیس کی اس کارروائی میں مقامی اینٹی مافیا پراسیکیوٹرز اور امریکی ڈرگ اینفورسمنٹ کی مدد شامل تھی۔

DW.COM