1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارت: تین ریاستوں میں انتخابات کا آغاز

بھارت کی تین ریاستوں میں آج اسمبلی انتخابات منعقد ہورہے ہیں۔ مہاراشٹر، ہریانہ اور اروناچل پردیش میں دن کے آغاز سے ووٹنگ کا ٹرن آوٴٹ بہت کم رہا۔

default

اس سال اپریل اور مئی میں منعقدہ پارلیمانی انتخابات میں متحدہ ترقی پسند اتحاد یا یو۔ پی۔ اے کی تاریخی کامیابی کے تناظر میں آج کے ریاستی انتخابات کو کانگریس کے لئے ایک نئے امتخان سے تعبیر کیا جارہا ہے۔ ان تینوں ریاستوں میں کانگریس کی قیادت اور اس کے اتحادیوں کی حکومتیں قائم ہیں۔

بھارتی ریاست مہاراشٹر کے ایک ضلع میں ووٹنگ کے عمل کے دوران ماؤنواز باغیوں کی طرف سے فائرنگ کے متعدد واقعات دیکھنے میں آئے۔

Wahlen in Indien 2009

ایلکشن کے دوران مہاراشٹر میں تشدد کے واقعات دیکھنے میں آئے

تینوں ریاستوں میں پولنگ کے پرامن انعقاد کو یقینی بنانے کے لئے سیکیورٹی کے زبردست انتظامات کئے گئے ہیں۔حکام کے مطابق صرف مہاراشٹر میں ایک لاکھ سیکیورٹی اہلکار تعینات کئے گئے ہیں۔ گزشتہ ہفتے ہی مہاراشٹر میں ماؤنواز باغیوں نے ایک حملے میں 17 پولیس اہلکاروں کو ہلاک کردیا تھا۔

مہاراشٹر میں یو۔پی۔اے کا مقابلہ ہندو انتہا پسند جماعت شیو سینا سے ہے، جو کہ قومی پارلیمان میں کانگریس کی اپوزیشن جماعت بھارتیہ جنّتا پارٹی کی نظریاتی اتحادی ہے۔

کانگریس کو ہریانہ اور اروناچل پردیش میں بھی اپوزیشن کی طرف سے شدید مقابلے کا سامنا ہے۔ ان ریاستوں میں اشیائے خوردونوش کی قیمتوں میں اضافہ، کرپشن اور پانی و بجلی کی کمی جیسے بنیادی مسائل کے طور پر اہم کردار ادا کرسکتے ہیں۔

رپورٹ: انعام حسن

ادارت: گوہر نذیر گیلانی