1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

بھارت: بیوی کے ٹکڑے کرکے فریزر میں رکھنے والا شخص گرفتار

بھارت میں ایک سافٹ ویئر انجینیئر کو گرفتار کیا گیا ہے جس پر الزام ہے کہ اس نے اپنی بیوی کو قتل کرنے کے بعد لاش کے ٹکڑے کر کے دو ماہ سے فریزر میں رکھے ہوئے ہیں۔

default

بھارتی ٹی وی کی ایک رپورٹ کے مطابق یہ گرفتاری دہلی سے 250 کلو میڑ دور Dehradun کے علاقےسے اس وقت عمل میں آئی، جب ملزم کے گھر میں رکھے ڈیپ فریزر سے پولیس کو ایک بیگ ملا جس میں مقتولہ کے جسم کے ٹکڑے رکھے ہوئے تھے۔

BdT Bombenanschlag in Indien

بھارت کے شمالی ریاستوں میں خواتین پر تشدد کے زیادہ واقعات رونما ہوتے ہیں

پولیس کے مطابق 37 سالہ ملزم راجیش گولاٹی نے اعتراف کیا ہے کہ اس نے 17 اکتوبر کو اپنی بیوی انوپما کو جھگڑے کے بعد قتل کر دیا تھا۔ پولیس کے سینیئر افسر کا کہنا ہےکہ ان کی تحقیقات کا آغاز اس وقت ہوا جب انوپما کی کئی روز کی گمشدگی کے بعد اس کے خاندان نے پولیس میں رپورٹ درج کروائی۔

تحقیقات کے مطابق گولاٹی نے اپنی بیوی کو گلا دبا کے قتل کرنے کے بعد اس کی لاش کے ٹکڑے کر دیے تھے۔ پولیس کے مطابق ملزم نے ان ٹکڑوں کو ڈیپ فریز میں ڈال رکھا تھاجہاں سے وہ روز چند ٹکڑے نکال کر شہر کے ویران علاقوں میں ٹھکانے لگا آتا۔ پولیس کے مطابق راجیش اپنی بیوی اپنے دو بجوں سمیت دو سال قبل ہی امریکہ سے واپس بھارت لوٹا تھا۔

اقوام متحدہ کے ادراہ برائے پاپولیشن فنڈ کی رپورٹ کے مطابق بھارت کی دو تہائی شادی شدہ خواتین گھریلو تشددکا شکار ہیں اور 15 سے 49 سال کی عمر کی 70 فیصد خواتین گھروں میں زیادہ تشدد کا شکار ہوتی ہیں۔ رپورٹ کے مطابق بھارت کے صوبے بہار، یو پی، ایم پی اور دیگر شمالی ریاستوں میں خواتین زیادہ گھریلو تشدد کا شکار ہیں۔

رپورٹ: عنبرین فاطمہ

ادارت : افسر اعوان

DW.COM