1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت ایشیا کپ کے فائنل میں ، پاکستان باہر

پاکستان میں جاری ایشیاکرکٹ کپ کے اہم میچ میں بھارت نے سری لنکا کو چھ وکٹوں سے شکست دے کر فائنل تک رسائی حاصل کر لی جبکہ پاکستان کے فائنل میں پہنچنے کے خواب چکنا چور ہو گئے۔ بھارت اور سری لنکا چھ جولائی کو مد مقابل ہوں گے

default

مین آف دی میچ بھارتی کپتان مہیندر سنگھ دھونی

نیشنل سٹیڈیم کراچی میں سری لنکا نے ٹاس جیت کر پہلے کھیلنے کا فیصلہ کیا اور بھارت کو تین سو نو کا ہدف دیا۔ سری لنکا کی طرف سے کپتان جے وردھنا اور سلوا نے پچاس پچاس جبکہ Chamara Kapugedera نے پچھتر رنز بنائے۔

بھارت کی طرف سے اشانت شرما کامیاب ترین باؤلر رہے جنہوں نے پچپن رنز کے عوض دو وکٹیں حاصل کیں۔

بھارت کی طرف سے سلامی بلے بازوں شہواگ اور گوتم گھمبیر نے اعلی کھیل کا مظاہرہ کیا اور پہلی اینگز کی شراکت میں بانوے رنز بنائے۔ شہواگ نے انفرادی طور بیالیس جبکہ گھمبیر نےاٹھاسٹھ رنز بنائے۔

اس کے بعد سریش رائنا اور کپتان مہیندر سنگھ دھونی کی شراکت نتے بھارت کو کامیابی دلائی۔ دھونی نے سڑسٹھ اور رائنا نے چون رنز سکور کئے جبکہ یوراج سنگھ چھتیس اور شرما بائیس رنز پر ناقابل شکست رہے۔

سری لنکا کی طرف سے کامیاب ترین باؤلر مرلی دھرن رہے جنہوں نے چوالیس رنز دے کر دو وکٹیں لیں۔ میچ کے بہترین کھلاڑی بھارتی کپتان دھونی قرار پائے۔