1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت اور سری لنکا کے درمیان پانچو اں میچ

بھارت اور سری لنکا کے درمیان جاری پانچ میچوں کی کرکٹ سیریز کا پانچو اں میچ کولمبو میں ہوگا۔ بھارت اس سیریز میں پہلے ہی تین ایک کی برتری حاصل کئے ہوئے ہے۔

default

بھارتی سیلیکٹرز نے اسی وجہ سے ظہیرخان اور ہربجن سنگھ کو آخری میچ میں آرام دینے کا فیصلہ کیا ہے۔

بھارتی ٹیم کے کپتان مہندر سنگھ دھونی کا کہنا ہے کہ وہ سیریز میں کامیابی کے باوجود آخری میچ اپنے نام کرنے کی پوری کوشش کریں گے۔

دوسری طرف سری لنکن کپتان جے وردھنے نے کہا کہ کھلاڑی ہار کی خفت بھلا کر نئے عزم کے ساتھ میدان میں اتریں گے۔انہوں نے کہا کہ گذشتہ میچوں میں ہم سے جو غلطیاں ہوئیں ہیں، ہماری پوری کوشش ہو گی کہ انہیں نہ دھرایا جائے۔

ادھر چیمپئنز ٹرافی کرکٹ ٹورنامنٹ کے التوا کےبعد پاکستان کرکٹ ٹیم کا دورہء جنوبی افریقہ یا آسٹریلیا جلد متوقع ہے۔ پاکستان کرکٹ بورڈ کے چیف آپریٹنگ آفیسر شفقت نغمی نےکہا ہے کہ جنوبی افریقہ اور آسٹریلیا کے کرکٹ بورڈز سے اس حوالے سے بات ہوئی ہے اور جنوبی افریقن کرکٹ بورڈ کی طرف سے خوش آئند جواب موصول ہوا ہے۔