1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت، آسٹریلیا کرکٹ سیریز

بھارتی بلے باز سچن ٹنڈولکر مکمل طور پر فٹ ہو گئے ہیں اور آسٹریلیا کے خلاف ٹیسٹ سیریز میں حصہ لیں گے۔

default

لٹل ماسٹر سچن ٹنڈولکر

بھارتی کرکٹ بورڈ کے سیکریٹری نرنجن شاہ کے مطابق گزشتہ ماہ سری لنکا کے خلاف ٹیسٹ سیریز میں کہنی کی انجری کا شکار ہونے والے لٹل ماسٹر سچن ٹنڈولکر مکمل طور پر صحت یاب ہو گئے ہیں۔

وہ نو اکتوبرسے ورلڈ چیمپئن آسٹریلیا کے خلاف چار ٹیسٹ میچز کی سیریز میں ٹیم کی نمائندگی کریں گے۔ انہوں نے کہا کہ ٹیم کے فزیو تھیراپسٹ نے ٹنڈولکر کے مکمل فٹ ہونے کی رپورٹ بورڈ کو جمع کرا دی ہے۔ نرنجن شاہ نے کہا کہ تیس ستمبر سے شروع ہونے والے قومی کرکٹ اکیڈمی کیمپ سے ٹنڈولکر باقاعدہ پریکٹس کا آغاز کر دیں گے۔

Sri Lanka - Indien Cricket

ادھربھارتی فاسٹ باؤلر ظہیر خان کا کہنا ہے کہ آسٹریلیا کے خلاف ٹیسٹ سیریز انتہائی دلچسپ ہوگی اور ان کی ٹیم اپنے ہوم گراؤنڈ پر ہونے والی سیریز جیتنے کی بھرپور کوشش کرے گی۔ میڈیا سے بات چیت کرتے ہوئے ظہیر خان نے کہا کہ آسٹریلوی کپتان رکی پونٹنگ کی بھارتی سرزمین پر اب تک کی کارکردگی کوئی زیادہ متاثر کن نہیں رہی ہے۔ انہوں نے کہا کہ پونٹنگ نے بھارتی سرزمین پر کھیلے جانے والے ٹیسٹ میچز میں آج تک 12.28 کی اوسط سے رنز بنائے ہیں۔ ظہیر خان نے کہا کہ بھارت کی ٹیم نے ورلڈ چیمپئن آسٹریلیا کے خلاف اپنے ہوم گراؤنڈ پر ہونے والی سیریز کیلئے بھرپور تیاری کر رکھی ہے۔ انہوں نے کہا کہ آسٹریلوی ٹیم میتھیو ہیڈن پر انحصار کرے گی اور ان کی خواہش ہوگی کہ وہ میتھیو ہیڈن کو جلد سے جلد آؤٹ کریں۔ ظہیر خان نے کہا کہ بھارتی کرکٹ ٹیم گذشتہ کچھ عرصہ سے انتہائی اچھی کرکٹ کھیل رہی ہے اور آسٹریلیا کے خلاف سیریز میں بھی تمام کھلاڑی اپنی صلاحیتوں کا بھرپور مظاہرہ کریں گے۔ انہوں نے اس عزم کا اظہار کیا کہ وہ بھی آسٹریلیا کے خلاف ٹیسٹ سیریز میں غیرمعمولی کارکردگی کا مظاہرہ کرنے کی پوری کوشش کریں گے۔