1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت، آسٹریلیا ٹیسٹ سیریز

آسٹریلوی کرکٹ ٹیم کے کپتان رکی پونٹنگ نے امید ظاہر کی ہے کہ بھارت اور آسٹریلیا کے درمیان چار ٹیسٹ میچوں کی سیریز اچھی اسپرٹ میں کھیلی جائے گی۔

default

آسٹریلوی کھلاڑی اینڈریو سائمنڈز

رواں سال کے آغاز میں بھارت کے دورہ آسٹریلیا میں آل راؤنڈر اینڈریو سائمنڈز اور ہربھجن سنگھ کے درمیان پیش آنے والے نسلی تعصب کے واقعے کے بعد سیریز کا مزہ کرکرہ ہو گیا تھا۔

آسٹریلوی کپتان نے بھارت کے دورے پر روانگی سے قبل میڈیا سے گفتگو کرتے ہوئے کہا کہ آئندہ ماہ سے شروع ہونے والی ٹیسٹ سیریز سے قبل ریفریوں کی میٹنگ میں بہت سے معاملات زیر بحث آئیں گے، انہیں امید ہے کہ دونوں ٹیموں کے کھلاڑی سیریز کے دوران اچھی اسپرٹ کا مظاہرہ کریں گے۔

رکی پونٹنگ نے کہا کہ بھارت اور آسٹریلیا کے درمیان ون ڈے اور ٹیسٹ کرکٹ میں سخت مقابلہ ہوتا ہے اور دونوں ٹیموں کے درمیان گزشتہ چند ٹیسٹ میچز انتہائی دلچسپ اور نتیجہ خیز ثابت ہوچکے ہیں۔ آسٹریلوی کپتان نے ہفتے کو اسلام آباد کے میریٹ ہوٹل میں ہونے والے خود کش بم دھماکے پر تشویش کا اظہار کیا۔ انہوں نے کہا کہ سیکورٹی ماہرین نے آسٹریلیا کو پاکستان نہ جانے کا مشورہ دیا تھا لیکن بھارت کا دورہ کرنے کے مثبت اشارے ملے تھے۔ بھارت اور آسٹریلیا کے درمیان ٹیسٹ سیریز کا آغاز نو اکتوبر سے بنگلور میں ہو گا۔