1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بھارت آسٹریلیا سے سیریز ہارگیا

آسٹریلیا نے سات ایک روزہ میچز کی کرکٹ سیریز کے چھٹے مقابلے میں بھارت کو چھ وکٹوں سے شکست دے کر سیریز چار ۔ دو سے اپنے نام کرلی ہے۔

default

فائل فوٹو

گوہاٹی کے نہرو اسٹیڈیم میں کھیلے گئے میچ میں آسٹریلیاء کے گیند بازوں نے شاندار کارکردگی کا مظاہرہ کیا۔ بھارت نے ٹاس جیت کر بیٹنگ کا فیصلہ کیا تو اسے آغاز ہی میں شدید مشکلات کا سامنا رہا جب اس کے ابتدائی دو بلے باز، وریندر سہواگ اور گوتھم گھمبیر پہلے ہی اوور میں جانسن کی دو مسلسل گیندوں کا نشانہ بنے جبکہ لٹل ماسٹر سچن ٹنڈولکر محض دس رنز بناسکے۔ پوری بھارتی ٹیم اڑتالیسوے اوور میں ایک سو ستر 170 پر ڈھیر ہوگئی جس میں تین شکار مچل جانس کے تھے۔

جواب میں آسٹریلوی ٹیم نے باآسانی مطلوبہ ہدف چار وکٹوں کے نقصان پر حاصل کرلیا۔

اس سے قبل گزشتہ روز ہی آسٹریلوی نائب کپتان مائیکل ہسی نے میچ جیت کر سیریز جیتے کے اپنے عزم کا اظہار کیا تھا۔ ان کا کہنا تھا کہ مہمان ٹیم معاملے کو سیریز کے آخری میچ تک نہیں لٹکانا چاہتی بلکہ اتوار کی جیت سے اسے لپیٹ دینا چاہتی ہے۔ ان کے بقول مقابلہ سخت ہوگا تاہم آسٹریلئن ٹیم کا جوش بلند ہے جو ابھی بھی حیدرآباد میں سنسی خیز مقابلے کے بعد کی جیت کے اثر میں ہے۔

Sachin Tendulkar nahc Spiel zwischen Australien und Indien

لٹل ماسٹر سترہ ہزار رنز مکمل کرچکے ہیں

جمعرات کو کھیلے گئے سیریز کے پانچوی میچ میں آسٹریلیاء نے سنسنی خیز مقابلے کے بعد بھارت کو تین رنزسے ہرادیا تھا۔ اس مقابلے میں لیجنڈ بھارتی بلے باز سچن ٹنڈولکر نے کیرئیر کے سترہ ہزار رنز مکمل کئے تھے۔

رپورٹ : شادی خان سیف

ادارت : عدنان اسحٰق