1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

بھارتی گاؤں کے ایک گھر میں مگرمچھ بنا بِن بلایا مہمان

بھارت میں حکام کے مطابق ریاست اڑیسہ کے ضلع مالکین گیری کے ایک گاؤں میں  ایک شخص صبح اٹھتے ہی اس وقت نہایت خوف زدہ ہوگیا جب اس نے اپنے گھر میں ایک مگر مچھ کو آرام کرتے دیکھا۔

Krokodil am Schwanz gepackt (AP)

نیوز ایجنسی ڈی پی اے کی رپورٹ کے مطابق بھارتی ریاست اُڑیسہ کے ایک گاؤں کے رہائشی داسارتھا ماداکامی نے میڈیا کے نمائندوں کو بتایا کہ وہ گزشتہ روز اپنے گھر میں سویا ہوا تھا کہ کچھ عجیب وغیب آوازوں سے اس کی آنکھ کھل گئی۔ اُٹھنے کے بعد اس نے کیا دیکھا کہ  ایک تین میٹر لمبا مگر مچھ اس کےگھر میں بن بلائے مہمان کی طرح براجمان تھا۔

ماداکامی نے بتایا،’’ میں بہت زیادہ خوف زدہ ہو گیا، میں نے اپنے گھر والوں کو جگایا اور گاؤں والوں کو مدد کے لیے آوازیں دیں۔‘‘ ماداکامی کا کہنا تھا کہ  گاؤں کے لوگ بھی اتنے بڑے مگر مچھ کو دیکھ کر خوفزدہ ہو گئے تھے۔ انہوں نے اسے مارنے کی کوشش کی لیکن ماداکامی کے بقول  وہ اس مگر مچھ کو مارنا نہیں چاہتا تھا۔

 مگر مچھ کو بعد میں جنگل کی حفاظت کے لیے تعینات اہلکاروں کی مدد سے پکڑ لیا گیا۔ ان اہلکاروں کے مطابق یہ مگر مچھ گاؤں سے ملحق ایک ڈیم سے نکل کر ماداکامی کے گھر تک پہنچ گیا تھا۔ جنگل کے ضلعی افسر سمرت گودا نے نیوز ایجنسی ڈی پی اے کو بتایا ،’’ دیہات کے لوگ بہت ڈرے ہوئے تھے، ہم بھی خوفزدہ ہوگئے تھے ہمیں معلوم ہی نہیں تھا کہ اس ڈیم میں مگر مچھ بھی ہیں۔‘‘

اس مگر مچھ کو گاؤں سے لگ بھگ پچاس کلومیٹر دور پانی کے ایک ذخیرے میں چھوڑ دیا گیا ہے۔

DW.COM

ملتے جلتے مندرجات