1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی کابینہ میں رد و بدل، وزارت دفاع کا قلمدان خاتون وزیر کے حوالے

بھارتی وزیراعظم مودی نے اپنی کابینہ میں ردوبدل کی ہے۔ بھارتی پارلیمنٹ کے ایوانِ زیریں کی ایک خاتون رکن کو وزارتِ دفاع کا قلمدان سونپا گیا ہے۔ قبل ازیں بھارتی وزیر خزانہ ہی دفاع کی وزارت بھی سنبھالے ہوئے تھے۔

نرملا سیتا رامن کو بھارت کا نیا وزیر دفاع مقرر کیا گیا ہے۔ نئے وزیر دفاع کی تعیناتی ایسے وقت میں کی گئی ہے جب بھارت کی اپنے ہمسایہ ملکوں چین اور پاکستان کے ساتھ سرحدی کشیدگی پیدا ہے۔ کوہِ ہمالیہ میں بھوٹان کی سرحد کے قریب چین کے ساتھ کشیدگی میں بظاہر کمی واقع ہو چکی ہے۔

نریندر مودی جرمنی میں: میرکل سے کابینہ کی سطح پر مذاکرات آج

مودی کابینہ کے اکتیس فیصد وزراء کو ’مجرمانہ مقدمات‘ کا سامنا

مودی حکومت تبدیلیوں کی خواہاں تاہم لائق سیاستدانوں کا فقدان

بھارتی کابینہ میں توسیع، نظر ریاستی انتخابات پر

نئے وزیر دفاع سے قبل مودی کے وزیر خزانہ ارون جیٹلی وزارتِ دفاع کا اضافی بوجھ سنبھالے ہوئے تھے۔ وزیر دفاع بننے سے قبل نرملا سیتا رامن جونیئر وزیر تھیں اور وہ کامرس اور ٹریڈ کے محکموں کے ساتھ منسلک تھیں۔ وہ نریندر مودی کی کابینہ کی چھٹی خاتون وزیر ہیں۔

Indien Finanzminister Arun Jaitley Haushalt 10.7.2014 (picture-alliance/dpa)

بھارتی وزیر خزانہ ارون جیٹلی کے ہمراہ سابقہ وزیر مملکت اور موجودہ وزیر دفاع نرملا سیتا رامن

خاتون وزیر دفاع نے منصب سنبھالنے کے بعد کہا کہ بھارتی سلامتی کے لیے مقرر وزراء کی کمیٹی میں دو خواتین شامل ہیں اور وہ مردوں کے شانہ بشانہ ملکی سلامتی کے تحفظ میں شریک ہیں۔ انہوں نے یہ بھی کہا کہ بھارت میں خواتین کے بااختیار ہونے سے دوسرے ملکوں کو ایک واضح پیغام دیا گیا ہے۔

ویڈیو دیکھیے 02:54

بھارت میں نسلی تعصب، افریقی بھی متاثر

بھارت میں سابق مقتول وزیراعظم اندرا گاندھی دو مرتبہ قائم مقام وزیر دفاع مقرر کی گئی تھیں۔ اس طرح نرملا سیتا رامن باضابطہ طور پر بھارت کی پہلی خاتون وزیر دفاع ہیں۔

نریندر مودی نے اپنی کابینہ میں شامل ریلوے کے وزیر سریش پربھو کو فارغ کر دیا ہے۔ پربھو نے گزشتہ ماہ کے دوران ریل گاڑی کے ایک حادثے کے بعد اپنے منصب سے استعفیٰ دے دیا تھا۔ اس حادثے میں دس افراد کی ہلاکت ہوئی تھی۔ اُن کی جگہ اب جونیئر وزیر پیوش گوئل کو ریلوے کی مکمل وزاروت سونپی گئی ہے۔ بھارت کی وزارتِ ریلوے کے ملازمین کی تعداد تیرہ لاکھ سے زائد ہے۔

وزیراعظم نے چار جونیئر وزراء کو کابینہ میں شامل کیا ہے۔ مودی نے سن 2014 میں الیکشن جیت کر وزارت عظمیٰ کا منصب سنبھالا تھا اور یہ اُن کی کابینہ میں تیسرا ردوبدل ہے۔ مودی نے نئے وزراء کا خیرمقدم کرتے ہوئے کہا کہ ان کی ذہانت اور بردباری یقینی طور پر حکومت کو عوام کے لیے مزید مفید بنانے کی راہ ہموار کرے گی۔

DW.COM

Audios and videos on the topic