1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی سیاحت جرمن شہری کے لیے مصیبت بن گئی

بھارت کے تاریخی مقامات کی سیاحت پر گئے ہوئے ایک جرمن سیاح کو مبینہ حملے کا سامنا کرنا پڑا ہے۔ اس حملے میں جرمن شہری کو معمولی زخم آئے ہیں۔ پولیس نے تفتیش شروع کر دی ہے۔

بھارتی پولیس نے ایک جرمن شہری پر کیے گئے مبینہ حملے کی تفتیش شروع کر دی ہے۔ پولیس نے اس واقعے میں ملوث ہونے کے شبے میں بھارتی ریلوے کے ایک ملازم کو شامل تفتیش کیا ہے۔ اس ملازم کا نام امن یادیو بتایا گیا ہے۔ جرمن شہری سون بھدرا میں واقع ایک تاریخی قلعے کو دیکھنے گیا تھا۔

بھارت میں سوئس سیاحوں کی بری طرح پٹائی

تاج محل کو بھارت کے سیاحتی مقامات سے کیوں نکالا گیا؟

اسپین میں سات معاہدوں کے بعد مودی روس روانہ

ٹیررازم نہیں ٹُورازم، کشمیری نوجوانوں کو مودی کا نیا پیغام

مشتبہ شخص امن یادیو نے پولیس کو بتایا کہ اس نے ریل گاڑی سے اترنے والے جرمن شہری کا خیر مقدم کیا تو اُس نے جواباً اُس پر حملہ کر دیا۔ پولیس کے مطابق دونوں افراد میں امکاناً غلط فہمی اور زبان کی ناسمجھی پر جھگڑا ہوا ہے۔ اس جھگڑے میں جرمن شہری اور بھارتی ریلوے کا ملازم معمولی زخمی ہوئے ہیں۔ پولیس کے مطابق دونوں اشخاص دست و گریبان ہونے کے ساتھ ایک دوسرے پر مکوں کے وار بھی کیے۔

ریلوے پولیس کے سینیئر افسر پی کے مشرا نے نیوز ایجنسی ڈی پی اے کو بتایا کہ حالات و واقعات اور فریقین کے بیانات کی روشنی میں چھان بین کا عمل شروع کر دیا گیا ہے۔ جب مقامی میڈیا نے جرمن شہری سے رابطہ کیا تو انہوں نے اس واقعے پر کوئی بات کرنے سے انکار کر دیا۔

Indien Mumbai Explosionen Sicherheit Juli 2011 (dapd)

بھارت میں غیرملکی سیاحوں پر حملوں میں تسلس دیکھا گیا ہے

ضلعی پولیس کے سربراہ رام پرتاپ سنگھ نے تصدیق کی ہے کہ جرمن شہری اور ریلوے ملازم کی جانب سے علیحدہ علیحدہ رپورٹ درج کرائی گئی ہے اور ان کا ضابطہٴ فوجداری کی روشنی میں جائزہ لیا جا رہا ہے۔ اس رپورٹ میں دونوں نے ایک دوسرے پر پہلے حملہ کرنے کا الزام عائد کیا ہے۔

یہ امر اہم ہے کہ اترپردیش کے ضلع سون بھدرا کے قریب ہی فتح پورسیکری میں دو ہفتے قبل ایک سوس جوڑے پر چند افراد نے لاٹھیوں اور پتھروں سے حملہ کیا تھا۔ فتح پور سیکری مشہور تاریخی مقام تاج محل کا قریبی شہر ہے۔

جرمن شہری پر حملہ بھارتی ریاست اترپردیش کے ضلع سون بھدرا کے ریلوے اسٹیشن پر ہوا ہے۔ سون بھدرا اتر پردیش کا دوسرا بڑا ضلع ہے اور چار دوسری ریاستوں چھتیس گڑھ، جھاڑکھنڈ، مدھیہ پریش اور بہار کے ساتھ جڑا ہوا ہے۔ اس باعث یہ سارے بھارت میں اسٹریٹیجیک نوعیت کا ضلع تصور کیا جاتا ہے۔

DW.COM