1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی زیرانتظام کشمیر میں فوج کی فائرنگ، ایک شہری ہلاک

بھارت کے زیر انتظام کشمیر میں سیکیورٹی فورسز کی جانب سے ضلع شوپیاں کے ایک گاؤں میں فائرنگ کے ایک واقعے میں ایک شہری ہلاک جبکہ پانچ زخمی ہوگئے ہیں۔ مقامی پولیس نے واقعے میں عام شہری کی ہلاکت کی تصدیق کر دی ہے۔

default

اس واقعے کے بعد علاقے کے لوگوں نے بھارت مخالف نعرے لگائے اور فوجی گاڑیوں پر پتھراؤ کیا۔ اس موقع پر دو فوجی گاڑیوں کو نذرآتش بھی کر دیا گیا۔ مقامی پولیس کے مطابق یہ واقعہ اس وقت پیش آیا، جب فوجی چیواں کیلر کے گاؤں سے مسلح عسکریت پسندوں کےگزرنے کی اطلاع پر گھات لگائے بیٹھے تھے اور ’مشتبہ سرگرمیوں‘ کے بعد انہوں نے وہاں فائرکھول دیا۔

اس واقعے کے بعد مقامی افراد سڑکوں پر نکل آئے اور انہوں نے فوجی قافلے کا گھیراؤ کر لیا۔ اس فوجی قافلے کو علاقے سے نکالنے کے لئے دیگر فوجیوں کی جانب سے احتجاج کرنے والوں پر فائرنگ کے واقعے میں چار شہری زخمی ہو گئے۔

دوسری جانب بھارتی فوج نے ڈوڈہ کے علاقے میں ایک کارروائی کے دوران ایک عسکریت پسند تنظیم کے دو جنگجوؤں کی ہلاکت کا دعویٰ بھی کیا ہے۔

رپورٹ : عاطف توقیر

ادارت : افسر اعوان