1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی جیل میں پاکستانی شہری خالد محمود کی پراسرار موت کن حالات میں ہوئی؟

پاکستانی دفترخارجہ نے بھارتی جیل میں پاکستانی شہری خالد محمود کی پر اسرار موت پر شدید احتجاج کرتے ہوئے اس سلسلے میں بھارتی حکام سے تفصیلی رپورٹ طلب کی ہے۔

کیوبا میں امریکی بحری فوجی ٹھکانے گوانتانامو بے میں ایک قیدی انتظار میں

کیوبا میں امریکی بحری فوجی ٹھکانے گوانتانامو بے میں ایک قیدی انتظار میں

دفتر خارجہ کے ترجمان محمد صادق نے اسلام آباد میں ہفتہ وار بریفنگ کے دوران صحافیوں کو بتایا کہ اس واقعے سے خیر سگالی کے جزبات کو ٹھیس پہنچی ہے۔ترجمان نے کہا پاکستان نے جاسوسی کے الزام میں پاکستانی جیلوں میں 35 برسوں تک قید رہنے والے کشمیر سنگھ نامی بھارتی شہری کو اس امید کے ساتھ رہا کردیا تھا کہ بھارتی حمکام اس اقدام کا مثبت جواب دیں گے۔

دوسری جانب بھارتی دارالحکومت نئی دہلی میں پاکستانی ہائی کمیشن نے بھارتی وزارت خارجہ کو ایک خط لکھا ہے جس میں خالد محمود کی پراسرار موت کی وجوہات جاننے کے لئے فوری طور پر تفصیلی انکوائری کے مطالبے کے علاوہ میڈیکل رپورٹ بھی طلب کی گئی ہے۔

بارہ فروری کو بھارت کی ایک جیل میں جواں سال پاکستانی شہری خالد محمود کی پراسرار حالات میں موت واقع ہوئی لیکن بھارت نے محمود کی لاش ابھی حال ہی میں پاکستانی حکام کے حوالے کی۔لواحقین کا الزام ہے کہ بھارتی جیل میں محمود کو جسمانی اذیتیں دے کر مارا گیا۔

Audios and videos on the topic