1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی انٹرسیپٹر میزائل کا ایک اور کامیاب تجربہ

بھارت نے آج اتور کو ملک میں تیار کردہ ایک ایسے میزائل کا کامیاب تجربہ کیا، جو حملے کی غرض سے فائر کیے گئے کسی بھی ممکنہ دشمن کے بیلیسٹک میزائل کو نشانہ بنانے کی اہلیت رکھتا ہے۔

default

نئی دہلی میں ملکی وزارت دفاع کے ایک اعلیٰ اہلکار نے بتایا کہ اس انٹرسیپٹر (Interceptor) میزائل نے بھارت کی مشرقی ریاست اڑیسہ کے ایک ساحلی علاقے سے ایک دوسرے تجربے کے دوران فائر کیے گئے ایک ایسے بیلیسٹک میزائل کو کامیابی سے نشانہ بنایا، جو درمیانے فاصلے تک مار کرنے کی صلاحیت رکھتا تھا۔

Raketenabwehrrakete startet von der USS Lake Erie Interceptor missile being launched from USS Lake Erie, Honolulu, Hawaii, video still

امریکہ کی طرف سے ایک جنگی بحری جہاز سے فائر کیا جانے والا ایک انٹرسیپٹر میزائل

جرمن خبر ایجنسی ڈی پی اے کے مطابق نئی دہلی میں ملکی وزارت دفاع کے ترجمان سیتانشوکار نے بتایا کہ بھارت کی طرف سے اس نئے انٹرسیپٹر میزائل کی تیاری نئی دہلی کے اس دفاعی پروگرام کا حصہ ہے، جس کے تحت بھارت کئی مراحل پر مشتمل اپنے لیے ایک بیلیسٹک میزائل ڈیفنس شیلڈ تیار کرنا چاہتا ہے۔

آج اتور کے روز نئی دہلی حکام نے جس Interceptor میزائل کے ایک اور کامیاب تجربے کی تصدیق کی، وہ سن 2006ء سے اس میزائل کا اپنی نوعیت کا مجموعی طور پر چوتھا تجربہ تھا۔

ان تجربات میں سے گزشتہ سال مارچ میں کیا جانے والا ایک ٹیسٹ ناکام بھی ہو گیا تھا۔ تب ایسا ہی ایک انٹرسیپٹر میزائل اپنے ہدف کو نشانہ بنانے میں ناکام رہا تھا۔

بھارتی دفاعی ماہرین نے اس کی وجہ یہ بتائی تھی کہ ٹھیک ایک سال قبل 2010ء میں ناکام رہنے والے اس تجربے کے دوران انٹرسیپٹر میزائل کے ریڈار نے توقعات کے مطابق کام نہیں کیا تھا اور یوں وہ اپنے ہدف کو فضا میں ہی نشانہ نہیں بنا سکا تھا۔

رپورٹ: عصمت جبیں

ادارت: مقبول ملک

DW.COM

ویب لنکس