1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بھارتی ارب پتی کا تعلیم کے لئے فلاحی منصوبہ

بھارتی انفارمیشن ٹیکنالوجی کمپنی Wipro Ltd کے چئیرمین عظیم پریم جی بھارت کے دیہی علاقوں میں پرائمری تعلیم کی بہتری کے لئے دو ارب ڈالرز مختص کر رہے ہیں۔

default

عظیم پریم جی فاونڈیشن سے تعلق رکھنے والی خاتون رادھا کرشنن نے اس منصوبے کی جو تفصیلات بیان کی ہیں اس کے مطابق اس رقم کا کچھ حصہ گذشتہ ایک دہائی سے کمپنی کی جانب سے تعلیم کے شعبے کے لئےکئے جانے والے فلاحی کاموں جبکہ باقی حصہ ایک یونیورسٹی کی تعمیر پر خرچ کیا جائے گا۔

Auftakt der Volkszählung in Indien

ایک قانون کے تحت بھارت میں ابتدائی تعلیم لازمی قرار دے دی گئی ہے

رادھا کرشنن کا کہنا ہے کہ عظیم پریم جی فاونڈیشن گزشتہ دس سالوں میں بھارت کے 14 شہروں کے سرکاری اسکولوں پر چھ ارب روپے سے زائد کے اخراجات کر چکی ہے اور اس ایک دہائی میں ہونے والے مثبت تجربات نے اس بات کی شہہ دی ہے کہ ان کوششوں کو بڑے پیمانے پر م‍زید آگے بڑھایا جائے۔

عظیم پریم جی کوForbes میگزین نے دنیا کے امیر ترین بھارتی افراد کی فہرست میں تیسرے درجے پر رکھا ہے۔ ان کی دولت کا اندازہ 17 ارب ڈالرز لگایا گیا ہے۔

اقوام متحدہ کا ادارہِ فنڈ برائے اطفال UNICEF کے سن2009 کے اعداد و شمار کے مطابق بھارت میں چھ سے 14 سال کی عمر کے آٹھ ملین بچے اسکول جانے کی عمر ہونے کے باوجود اس سے محروم ہیں۔

رپورٹ: عنبرین فاطمہ

ادارت : عابد حسین

DW.COM