1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

بولیویا میں انتخابات، صدر مورالیس کو بھاری اکثریت حاصل

لاطینی امریکی ملک بولیویا میں صدارتی انتخابات کے غیر حتمی نتائج کے مطابق صدر ایوو مورالیس نے بھاری اکثریت سے کامیابی حاصل کر لی ہے۔ صدر ایوو مورالیس نے دوسری مرتبہ انتخاب پر حامیوں کا شکریہ ادا کیا۔

default

غیر حتمی نتائج کے اعلان کے بعد مورالیس نے صدارتی محل کی بالکونی میں آ کر اپنے حامیوں سے خطاب کیا۔ انہوں نے اس موقع پر اعلان کیا کہ وہ بڑے پیمانے پر اصلاحات کا آغاز کریں گے۔

’’کانگریس میں دو تہائی سے زائد کی اکثریت حاصل کرنے کے بعد یہ میری ذمہ داری ہے کہ میں بولیویا میں تبدیلی کی رفتار میں اضافہ کروں۔‘‘

ابتدائی نتائج کے مطابق بائیں بازو سے تعلق رکھنے والے صدر مورالیس کو 63 فیصد ووٹ ملے جبکہ ان کے مدمقابل قدامت پسند رہنما Manfred Reyes Vilas ک 24 تا 28 فیصد ووٹ ملے۔

مورالیس کی جماعت تحریک برائے سوشل ازم کو سینٹ اور چیمبرز آف ڈیمپٹیز میں تقریبا دو تہائی اکثریت حاصل ہوگئی ہے۔ مورالیس نے رواں برس کے آغاز میں بولیویا میں ریفرنڈم کے ذریعے آئین میں تبدیلی کی منظوری دی تھی، جس کے تحت کسی شخص کے دوسری مرتبہ صدر بننے پر پابندی عائد تھی۔

خبر رساں ادارے

ادارت عاطف توقیر