1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنگلہ دیش کے خلاف سیریز ، قومی ٹیم کا اعلان

پاکستان کرکٹ بورڈ نے بنگلہ دیش کے خلاف اگلے ماہ سے شروع ہونے والی سیریز کے لئے پاکستان کی 16 رکنی ٹیم کا اعلان کر دیا ہے۔

پاکستان کے کرکٹ بورڈ نے بنگلہ دیش کے خلاف سیریز کے پہلے دو ایک روزہ میچوں کے لئے پاکستانی ٹیم کے ناموں کا اعلان کر دیا ہے۔ ان 16 کھلاڑیوں میں فاسٹ بالر شعیب اختر اور محمد آصف شامل نہیں ہیں۔ جبکہ ٹیم کی کپتانی شعیب ملک کریں گے۔ دورسے کھلاڑیوں میں سلمان بٹ، محمد یوسف ، یونس خان ، کامران اکمل ، شاہد آفریدی ، سہیل تنویر ، ناصر جمشید ، وہاب ریاض ، عمر گل ، سہیل خان ، راو افتخار ، فواد عالم ، مصباح الحق بازید خان اور سرفراز احمد شامل ہیں۔ یہ سیریز آٹھ اپریل سے شروع ہورہی ہے اور اس میں پانچ ایک روزہ میچ کھیلے جائیں گے۔ سلیکشن کمیٹی نے بتایا کہ محمد آصف کو ان فٹ ہونے کی بناءپر شامل نہیں کیا گیا جبکہ شعیب اختر کو نظم وضبط کی خلاف ورزی کرنے کی وجہ سے سلیکٹ نہیں کیا گیا۔

دوسری طرف بھارت اور جنوبی افریقہ کے مابین کھیلا جانے والے پہلا ٹیسٹ ہار جیت کے فیصلے کہ بغیر ختم ہو گیا۔ چنائی میں کھیلے گئے اس ٹیسٹ میچ کی خاص بات وریندر سہواگ کی ٹرپل سنچری اور راہول ڈریوڈ کے ٹیسٹ کرکٹ میں دس ہزار رنز مکمل کرنا تھا۔ اس طرح ڈریوڈ دنیا کے چھٹے اور بھارت کے تیسرے کھلاڑی بن گئے کہ جنہوں نے دس ہزار رنز کا سنگ میل عبور کیا ہے۔