1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈیس لیگا سیزن ختم، چیمپیئن پھر بائرن میونخ

جرمنی میں بنڈیس لیگا کہلانے والی قومی فٹ بال چیمپیئن شپ کا موجودہ سیزن ہفتے کی شام اپنے اختتام کو پہنچ گیا۔ چیمپیئن ایک بار پھر بائرن میونخ کی ٹیم بنی ہے، جو یہ اعزاز اتنی مرتبہ جیت چکی ہے کہ وہ بذات خود ایک ریکارڈ ہے۔

default

بائرن میونخ کے کھلاڑی 22ویں مرتبہ بنڈیس لیگا ٹرافی جیتنے کے بعد

بنڈیس لیگا کا ایک میچ ڈے عموما تین دنوں پر محیط ہوتا ہے، جو جمعے کی شام سے لے کر اتوار کی رات تک جاری رہتا ہے۔ لیکن آج ہفتے کو بنڈیس لیگا کا 34 واں یعنی آخری میچ ڈے صرف ایک ہی دن میں مکمل ہو گیا، کیونکہ ان مقابلوں میں شامل کل 18 ٹیموں کے درمیان ہونے والے تمام نو میچ ایک ہی دن کھیلے گئے۔

Bundesliga letzter Spieltag

ایک دوسرے کو گلے ملتے بائرن میونخ کے کھلاڑی اور سر جھکائے میدان سے باہر جانے والا ہیرتھا برلن کا ایک فارورڈ پلیئر

بائرن میونخ کی ٹیم، جس کی اس کے پوائنٹس کی مجموعی تعداد کے حوالے سے موجودہ سیزن میں حتمی کامیابی 33 ویں میچ ڈے کے اختتام پر ہی یقینی ہو گئی تھی، آج اپنا آخری میچ بھی آسانی سے جیت گئی اور یوں باقاعدہ طور پر بنڈیس لیگا کے دوہزار نو، دوہزار دس کے سیزن کی چیمپیئن ٹھہری۔

جرمنی میں فٹ بال کی فرسٹ بنڈیس لیگا کے دوہزار نو، دوہزار دس کے سیزن میں بائرن میونخ کے بعد مجموعی طور پر دوسرے نمبر پر شالکے کی ٹیم رہی جبکہ تیسری پوزیشن بریمن نے حاصل کی۔ اس سیزن میں سب سے بری کارکردگی کا مظاہرہ کرنے والی جو دوٹیمیں لازمی طور پر اگلے سیزن میں فرسٹ بنڈیس لیگا کے بجائے سیکنڈ بنڈیس لیگا کھیلیں گی، ان میں سے ایک برلن میں ہیرتھا کلب کی ٹیم ہو گی اور دوسری بوخم کی۔

بائرن میونخ نے بنڈیس لیگا کے موجودہ سیزن کی جو جرمن قومی چیمپئین شپ ہفتے کی شام باقاعدہ طور پر جیتی، وہ اس کلب کی طرف سے جیتا جانےو الا مجموعی طور پر 22 واں فرسٹ بنڈیس لیگا ٹائٹل ہے۔ ہفتے کے روز بائرن میونخ نے سیزن کا اپنا جو آخری میچ کھیلا وہ برلن کے اولمپک سٹیڈیم میں ہیرتھا برلن کے خلاف کھیلا جانے والا میچ تھا۔ اس میچ کو دیکھنے کے لئے سٹیڈیم میں 75 ہزار شائقین موجود تھے۔ یہ مقابلہ بھی بائرن کی ٹیم نے ایک کے مقابلے میں تین گول سے جیت لیا اور ہیرتھا برلن کی اس ٹیم کے لئے فرسٹ بنڈیس لیگا کا یہ میچ بھی ایک بڑی شکست کے ساتھ ختم ہوا، جس کے بارے میں یہ بات چند ہفتے پہلے ہی سے واضح ہو گئی تھی کہ یہ ٹیم بنڈیس لیگا کا اگلا سیزن فرسٹ کے بجائے سیکنڈ ڈویژن میں کھیلے گی۔

Flash-Galerie Bundesliga letzter Spieltag

اگلے سیزن میں سیکنڈ ڈویژن بنڈیس لیگا کھیلنے پر مجبور بوخم کی ٹیم کے دو مایوس کھلاڑی

امسالہ بنڈیس لیگا سیزن میں اٹھارہ ٹیموں کے مابین ہونے والے کل 306 میچوں میں مجموعی طور پر 866 گول کئے گئے۔ جس ایک کھلاڑی نے پورے سیزن میں اکیلے سب سے زیادہ گول کئے وہ وولفسبرگ کی ٹیم کے ایدین ذیکو ہیں۔ انہوں نے اپنی ٹیم وولفسبرگ کی طرف سے بنڈیس لیگا کی باقی سترہ ٹیموں کے خلاف کل 34 میچوں میں مجموعی طور پر 22 گول سکور کئے۔

رپورٹ : مقبول ملک

ادارت : عاطف توقیر

DW.COM