1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا: ہوفن ہائیم کی ٹیم پہلے نمبر پر آگئی

ہفتے کے دن جرمنی میں وفاقی فٹ بال لیگ یعنی بنڈس لیگا مقابلوں کے اکیسویں دن سات میچ کھیلے گئے ۔ بنڈ س لیگا کے اکیسویں دن کے مقابلوں کے بعد پوائنٹس ٹیبل پر کافی تبدلیاں رونما ہوئیں۔

default

ہوفن ہائیم ٹیم کے کھلاڑی Demba Ba شُٹٹ گارٹ کے گول کیپر Jens Lehmannکوچکما دے گر گول کرتے ہوئے

بنڈس لیگا مقابلوں کے اکیسویں دن کے مقابلوں میں برلن کی ٹیم ایک اہم میچ میں وولفس بُرگ کی ٹیم سے دو کے مقابلے میں ایک گول سے ہار گئی اس طرح برلن کی ٹیم جو پوائنٹس ٹیبل پر پہلے نمبر پر تھی اب دوسرے نمبر پر آگئی ہے۔ جبکہ ہوفن ہائیم کی ٹیم شُٹٹ گارٹ کے خلاف کھیلے جانے والے ایک میچ کو تین تین گول سے برابر کرکے چالیس پوائنٹس کے ساتھ پہلے نمبر پر آن کھڑی ہوئی ہے۔ اگرچہ برلن ٹیم کے بھی چالیس پوائنٹس ہیں تاہم ہوفن ہائیم کی ٹیم اپنی اچھی گول اوسط کی بنیاد پر پہلے نمبر پر آئی۔

ہفتے کے دن بنڈس لیگا مقابلوں میں کھیلے جانے والے میچوں میں ایک اہم میچ کلون اور میونخ کے ٹیموں کے مابین بھی تھا۔ اس میچ میں کلون کی ٹیم نے حیرت انگیز طور پر دفاعی چمپیئن میونخ کو ایک کے مقابلے میں دو گولوں سے ہرا دیا۔ اور اس طرح میونخ کی ٹیم اپنے تین اہم پوائنٹس کھونے کی وجہ سے چوتھے نمبر پر آگئی۔ اگر میونخ کی ٹیم یہ میچ جیت جاتی تو وہ پوائنٹس ٹیبل پر پہلے نمبر پر آجاتی۔

VfL Wolfsburg Hertha BSC Berlin

وولفس بُرگ کے کھلاڑی Edin Dzeko برلن کے خلاف انفرادی طور پر دوسرا گول کرتے ہوئے

بنڈس لیگا فٹبال مقابلوں میں کھیلے جانے والے دیگر میچوں میں بریمن کی ٹیم کوٹبُس سے ایک کے مقابلے میں دو گولوں سے شکست کا شکار ہوئی۔ اور اس طرح بریمن کی ٹیم گیارہویں نمبر پر چلی گئی اور کوٹُبس کی ٹیم چودہویں نمبر پر آگئی۔

مئیونشن گلاڈباخ کی ٹیم نے اگرچہ ہنوور کو تین دو سے ہرا دیا لیکن مئیونشن گلاڈباخ پوائنٹس ٹبیل میں اب بھی آخری یعنی اٹھارویں نمبر پر ہی ہے تاہم ہنورو کی ٹیم اس شکست کے بعد تیرہویں نمبر پر آگئی۔

ایک اور میچ میں کارلسرُوہے کی ٹیم فرینکفرٹ سے ایک کے مقابلے میں صفر سے ہار گئی اور فرینکفرٹ پوائنٹس ٹیبل میں بارہویں نمبر پر آگئی جبکہ کارلسرُوہے کی ٹیم پوائنٹس ٹیبل پر اپنی گزشتہ پوزیشن یعنی سترہویں نمبر پر ہی رہی۔

بیلے فَیلڈ اور بوخُم کا میچ ایک ایک گول سے برابر رہا۔ تاہم دونوں ہی ٹیمیں بالترتیب انیس اور اٹھارہ پوائنٹس کے ساتھ پندرہویں اور سہولویں نمبر پر آگئیں۔

اتوار کے دن بنڈس لیگا پوائنٹس ٹیبل پر تیسرے نمبر کی ٹیم یعنی ہیمبرگ ایک اہم میچ میں لیور کُوزن کے مد مقابل ہو گی۔ لیورکُوزن اس وقت ان فٹ بال مقابلوں میں پانچویں نمبر پر ہے۔