1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا کے 27ویں میچ ڈے کا سنسنی خیز آغاز

جرمن وفاقی فٹ بال لیگ بنڈس لیگا کے ستائیسویں میچ ڈےکے پہلے دن جمعہ کو کھیلے گئے ایک میچ میں کولون اورمؤنشن گلاڈباخ کا مقابلہ ایک ایک گول سے برابر رہا۔

default

کولون اور میؤنشن گلاڈباخ کے میچ کا ایک منظر

مقامی حریفوں کے مابین کھیلے گئےاس میچ کے 55 ویں منٹ میں مؤنشن گلاڈباخ کے کھلاڑی مارکوریوس نے گول کیا اور اپنی ٹیم کو برتری دلوا دی تاہم کھیل کے 79 ویں منٹ میں کولون کی طرف سے مانیش نے گول کر کے یہ سبقت ختم کردی۔

روایتی حریفوں کے مابین یہ میچ رائن اینرگی اسٹیڈیم میں کھیلا گیا، جسے دیکھنے کے لئے کوئی پچاس ہزارتماشائی موجود تھے۔ کھیل کے دوران دونوں شہروں کے تماش بینوں کے مابین ممکنہ تصادم کےپیش نظر تمام میچ کے دوران سیکیورٹی کافی سخت رہی۔ تاہم اس دوران کسی بھی ناخوشگوار واقعہ کی کوئی اطلاع موصول نہیں ہوئی۔

Bundesliga Bayern Freiburg Arjen Robben

اس وقت بائرن میونخ کی ٹیم پوائنٹس ٹیبل پر سرفہرست ہے

ستائیسویں میچ ڈے کے دوسرے دن یعنی ہفتے کو چھ میچ کھیلے جائیں گے۔ ان مقابلوں میں بوخم بمقابلہ بریمن کھیلے گا جبکہ شٹٹ گارٹ اپنے ہوم گراونڈ میں ہینوور کے مد مقابل ہوگا۔ دیگر میچوں میں فرائی بیرگ کی ٹیم مائنز کے خلاف مقابلہ آرا ہوگی اور فرینکفرٹ کا میچ میونخ سے ہوگا۔ ہفتے کے دن آخری میچ لیورکوزن اور ڈورٹمنڈ کے خلاف ہوگا۔

مسلسل تین میچ ہارنے والی برلن کی ٹیم اتوار کو وولفس برگ کے خلاف کھیلے گی۔ وولفس برگ مسلسل چار میچ جیت کراچھی کارکردگی کا مظاہرہ کر رہی ہے۔

اس وقت پوائنٹس ٹیبل پر بائرن میونخ کی ٹیم 56 پوائنٹس کےساتھ پہلے نمبرہے جبکہ 54 پوائنٹس کے ساتھ شالکے دوسرے اور 53 پوائنٹس کے ساتھ لیورکوزن تیسرے نمبر پر ہے۔

رپورٹ : عاطف بلوچ

ادارت : عاطف توقیر

DW.COM