1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا کا 26واں میچ ڈے مکمل

جرمن قومی فٹ بال چیمپیئن شپ بنڈس لیگا کا 26 واں میچ ڈے مکمل ہو گیا ہے۔ اس میچ ڈے کی اہم بات شالکے کا مختصر دورانیے کے لئے پوائنٹس ٹیبل پر نمبر ایک پوزیشن پر پہنچنا تھا۔

default

شالکے کی ٹیم نے جمعہ کو اس میچ ڈے کے آغاز پر ہی پوائنٹس ٹیبل پر پہلی پوزیشن حاصل کر لی تھی، جو اس کی تین مسلسل کامیابیوں کا نتیجہ تھی۔ لیکن اگلے ہی روز ہفتہ کو بائرن میونخ نے شالکے کا کم ازکم ہفتہ بھر کے لئے نمبر ایک ٹیم بنے رہنے کا خواب چکنا چور کر دیا۔ اس نے فرائی برگ کو ایک دلچسپ مقابلے میں شکست دے کر ٹاپ پوزیشن سنبھال لی۔

بائرن میونخ وقفے وقفے سے ٹاپ ٹیم رہی ہے اور اس مرتبہ یہ پوزیشن واپس حاصل کرنے کے لئے ہفتہ کا میچ جیتنا اس کے لئے ضروری تھا۔ اب میونخ 56 پوائنٹس کے ساتھ سرفہرست ہے جبکہ شالکے دوسرے نمبر پر ہے اور اسے 54 پوائنٹس حاصل ہیں۔ لیورکوزن 53 پوائنٹس کے ساتھ تیسرے نمبر پر ہے۔ چوتھے نمبر پر ڈورٹمنڈ ہے، پانچویں پر ہیمبرگ اور چھٹے پر بریمن کی ٹیم۔ ساتویں پوزیشن مائنز کو حاصل ہے۔ آٹھویں نمبر پر وولفس برگ، نویں پر شٹٹ گارٹ اور دسویں پر فرینکفرٹ ہے۔

Bundesliga Bremen Hoffenheim

ہوفن ہائم اور بریمن کے درمیان میچ

اتوار کو لیورکوزن نے ہیمبرگ کو دو کے مقابلے میں چار گول سے شکست دے کر پوائنٹس ٹیبل پر اپنی تیسری پوزیشن برقرار رکھی۔ تاہم اس کے پوائنٹس 50 سے بڑھ کر 53 ہو گئے۔ اتوار ہی کے ایک دوسرے میچ میں بریمن نے ہوفن ہائم کو ایک صفر سے مات دے دی۔

ہفتہ کو کھیلے گئے دیگر مقابلوں میں وولفس برگ نے مئونشن گلاڈباخ کو صفر کے مقابلے میں چار گول سے ہرایا تھا۔ ڈورٹمنڈ نے بوخم کو ایک کے مقابلے میں چار گول سے مات دی۔ کولون کی ٹیم مائنز کے خلاف اپنا میچ ایک صفر سے ہار گئی۔ ہنوور نے فرینکفرٹ کو دو ایک سے شکست دی۔ نیورمبرگ نے برلن کو دو ایک سے ہرا دیا۔

رپورٹ: ندیم گِل

ادارت: مقبول ملک

DW.COM