1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا کا بارہواں میچ ڈے، ہفتہ کے مقابلے

جرمن قومی فٹ بال چیمپیئن شپ بنڈس لیگا میں بارہویں میچ ڈے کے دوسرے روز ہفتے کو پانچ میچ کھیلے گئے۔ بائرن میونخ اور شالکے کے درمیان کھیلا گیا پہلا میچ ایک ایک گول سے برابر رہا۔

default

شالکے اور میونخ کے کھلاڑیوں کی بال کے لئے جستجو

میچ کے آغاز سے بائرن میونخ کے کھلاڑی حاوی رہے۔ تاہم شالکے کی جانب سے جواں سالہ یوئیل ماتیپ نے فیصلہ کن گول کر کے اپنی ٹیم کو شکست سے بچا لیا۔

Elkin Soto Fußball Bundesliga Mainz

مائنز کے کھلاڑی گول کرنے کے بعد مسرت کا اظہار کر رہے ہیں

دوسرے میچ میں وولفس برگ نے ہوفن ہائیم کو ایک کے مقابلے میں دو گول سے ہرا دیا۔ فرائبرگ نے بھی بوخم کو دو ایک سے شکست دی۔ مونشن گلاڈباخ اور شٹٹ گارٹ کے درمیان میچ ڈرا ہوا، دونوں ٹیمیں کوئی گول نہ کر پائیں جبکہ دِن کے آخری میچ میں مائنز نے نیورن بیرگ کو صفر کے مقابلے میں ایک گول سے ہرایا۔

بارہویں میچ ڈے کے پہلے روز جمعہ کو صرف ایک میچ کھیلا گیا، جس میں بائر نے ائنٹراخٹ کو صفر کے مقابلے میں چار گول سے ہرایا۔

اتوار کو اس میچ ڈے کا آخری دن ہے۔ اس روز تین میچ کھیلے جائیں گے۔ پہلا میچ ہینوور اورہیمبرگ کے درمیان ہوگا۔ دوسرے میچ میں برلن اور کولون آمنے سامنے ہوں گے جبکہ آخری میچ میں بریمن ڈورٹمنڈ کے مدمقابل ہوگا۔

بنڈس لیگا کے پوائنٹس ٹیبل پر شالکے اس وقت چوتھی پوزیشن پر ہے۔ پہلے نمبر پر لیورکوزین ہے، دوسری پوزیشن بریمن کے پاس ہے جبکہ تیسری ہیمبرگ کے پاس۔ وولفسبرگ پانچویں نمبر پر ہے۔

رپورٹ: ندیم گِل

ادارت: کشور مصطفیٰ

DW.COM