1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا، ڈورٹمنڈ مائنز کو پچھاڑ نہ سکی

جرمنی کی قومی فٹ بال لیگ بنڈس لیگا کے 27 ویں میچ ڈے کے سلسلے میں ہفتے کے روز لیگ کی ٹاپ ٹیم ڈورٹمنڈ اور مائنز کے درمیان کھیلا گیا میچ ایک ایک گول سے برابر رہا۔

default

اس میچ کے بعد لیگ میں ڈورٹمنڈ کے پوائنٹس کی برتری دوسرے نمبر کی ٹیم لیورکوزن سے 10 کی ہوگئی ہے۔ اس میچ کے ابتدائی لمحات میں ڈورٹمنڈ کے دفاعی کھلاڑی Mats Hummels نے اپنی ٹیم کو برتری دلائی، جو کھیل کے 89 ویں منٹ تک قائم رہی تاہم کھیل کے اختتام سے چند لمحے قبل Petar Sliskovic نے مائنز کی طرف سے گول کر کے ڈورٹمنڈ کی تقریبا یقینی جیت کو برابری میں بدل دیا۔ اس وقت پوائنٹس ٹیبل پر ڈورٹمنڈ کی ٹیم کے 62 پوائنٹس ہیں۔ ڈورٹمنڈ کے کوچ Juergen Klopp نے میچ کے بعد اپنے ایک انٹرویو میں کہا، ’آج بہت سی چیزیں ہمارے خلاف گئیں۔ ہم نے ایک پینلٹی ضائع کی اور Barrios زخمی ہوکر میدان سے باہر گیا۔‘

واضح رہے کہ کھیل کے پہلے ہاف میں ڈورٹمنڈ کے اسٹرائیکر Barrios Lucas مائنز کے گول کیپر Christian Wetklo سے ٹکرانے کے بعد زخمی ہو گئے تھے اور انہیں میدان سے باہر جانا پڑ گیا تھا۔

Fußball Bundesliga 27. Spieltag SC Freiburg - FC Bayern München im Badenova-Stadion Freiburg NO FLASH

بائرن میونخ اور فرائی برگ کے میچ کا ایک منظر

دوسری جانب ہفتے کوکھیلے گئے ایک اور میچ میں دفاعی چیمپیئن بائرن میونخ نے فرائی برگ کو ایک کے مقابلے میں دو گول سے شکست دے دی۔ میونخ کی طرف سے دوسرا اور کھیل کا فیصلہ کن گول میچ کے اختتام سے کچھ دیر قبل فرانک ریبری نےکیا۔ اس فتح کے بعد میونخ کی ٹیم لیگ میں48 پوائنٹس کے ساتھ چوتھی پوزیشن پر ہے۔

ہفتے کے روز کھیلے گئے دیگر میچوں میں بریمن نے نیورمبرگ کو ایک کے مقابلے میں تین گول سے شکست دی جبکہ فرینکفرٹ اور سینٹ پاؤلی کے درمیان کھیلے گئے میچ میں فرینکفرٹ کو ایک کے مقابلے میں دوگول سے کامیابی ہوئی۔ ایک اور دلچسپ اور دھواں دھار میچ میں ہیمبرگ نےکولون کو چھ دو سے ہرا دیا جبکہ ہینوور نے ہوفن ہائم کو صفر کے مقابلے میں ایک گول سے شکست دی۔

آج اتوار کے روز دو میچز کھیلے جائیں گے۔ لیورکوزن کا میچ شالکے کے ساتھ جبکہ شٹٹ گارٹ کا مقابلہ وولفس برگ سے ہوگا۔ لیورکوزن یہ میچ جیت کر ڈورٹمنڈ کے ساتھ اپنے پوائنٹس کے فرق کو کم کر سکتی ہے۔

رپورٹ : عاطف توقیر

ادارت : عدنان اسحاق

DW.COM

ویب لنکس